"P. Cleij" wrote:

> Car amicos,
>
> In mi message io ha scribite que post le invasion del truppas german in
> 1940 le periodo de occupation ha durate quatro annos. Isto debe esser
> CINQUE annos.

In relation al 60-me anniversario del occupation german de Danmark (O,
quanto tantante il es de scriber Dania (!) ) et Norvegia on diceva in
nostre Radio National que in Danmark on ha publicate un cosa que se
appella Le jornales del Occupation. Il se tracta de copias del pressa de
ille tempore e commentos de historicos. Bent e Thomas, quanto costa istos?

Quanto videva on del germanos? Forsan on non sempre poteva leger multo del
pressa de lo que occurreva. Durante mi tempore in Polonia veniva in mi
manos le volumine annual del Union de fabros (artisanos) in Bergen. Habite
vidite le jornales in le communistic Polonia e le Union Sovietic ego
haberea attendite que il habeva un massa de suasticas, e que viva le
ductor A. H. Ma non del toto. Legente iste volumine ego habeva nulle idea
del facto que Norvegia era occupate! Le plus proxime al realitate que on
venirea esseva un texto edificante ante le natal (de 1944 ego crede) ubi
on scribeva cosas como "Nos spera que le guerra solo fini e que nos de
novo habera pace."

Durante mi vita tote ille occurrentias quasi ha cambiate le perspectiva, o
como ego debe describer ille phenomeno. Viste que ego al die del
occupation habeva un poco plus de 2 annos e nulle conscientiositate del
historia contemporanee que se disvolveva in le circumferentia, toto es
quasi solmente un historia de libros e films pro me.