On Fri, 25 Aug 2000 14:31:13 +0200, Bent Andersen <[log in to unmask]> wrote:
>Bon audir novas ab te de novo!

Bon rearrivar hic. :)

>Interlingua es un lingua naturalistic...
>    *constructe del > basate super le [Psychologicamente il forsan es
>sage evitar le parola "constructe" in connexion con interlingua, que -
>in contrasto a p.ex. esperanto - non es construite/artificial, ma
>natural.]

Tu probabilemente ha ration, ben que io mesmo senti que factos es le plus importante - e Interlingua es, de facto, constructe. Ma io lo ha cambiate nonobstante.

>    *de septe major linguas europee > Forsan esserea bon mentionar
>iste linguas, eventualmente inter parentheses

Nah, io vole tener le texto breve e facile a leger... personas qui es interessate pote trovar iste information a multe altere locos.

>Interlingua es designate como ...
>    *gentes > gente [Secundo IED le forma singular 'gente' significa o
>1) nation, national group, o 2) persons, folk. Iste ultime es un sorta
>de plural collective (= homines, personas), probabilemente lo que tu
>intende indicar. 'Gentes' indicarea 'nationes, nationalitates']

Io ha essite insecur de iste parola pro qualque tempore, assi gratias.

>Interlingua anque es ...
>    *auxiliari > [IED:] auxiliar

Ay. Anglicismo...

>    *gentes > gente
>
>Interlingua era primarimente publicate ...
>    *tre > tres

Svedismo. (Forsan il es difficile non miscer le linguas quando on apprende plure simultaneemente...)

>Bent
>
>PS. Que es le fato de Internodio?

Io ancora vole continuar lo, ma durante le ultime menses io non ha habite le tempore e le energia. Io anque vole deliberar plus del formula redactorial - io vole trovar manieras a facer lo special, a fin de dar le visitatores un ration pro retornar al sito frequentemente. Forsan io deberea reportar plus de novas "obscur" (non reportate per le grande medios) ma ancora interessante.

- Martijn