Multe iraqis crede que Saddam Hussein ha escappate le
morte e que possibilemente ille retornara a governar
Iraq.  A causa de iste timor, multes ex illes non vole
dar le apparentia de collaborar con le fortias militar
del Statos Unite.

Unes ex illes anque crede que le Statos Unite
restaurara Saddam Hussein al poter si nostre
corporationes dara a ille assatis moneta pro proteger
lor interesses in controlar le extraction del petroleo
Iraqi.

Ben que le membros del classe regente de nostre
gigante pais ha un correspondente capacitate ingente
pro le corruption, illes sape que Washington perderea
omne vestigio de respecto in omne partes del mundo si
nos reinstallava Saddam Hussein al poter.

E nos anque debe memorar que ille esseva nostre filio
de puta quando nos le usava como un surrogato in
nostre guerra contra Khomeini.  Nos mesme le armava e
approbava su uso contra le iranianos del mesme armas
chimic que nos nunc professa abhorrer.

Ante invader Kuwait, Saddam Hussein demandava a noste
ambassator a Iraq, April Glaspie, qual esserea le
reaction de nostre governamento si ille invadeva
Kuwait.  Glaspie le informava que "le Statos Unite non
ha ulle interesse in insignificante disputas de
frontieras inter paises arabe."

Ille tunc invadeva Kuwait, e Bush I destrueva le major
parte de su fortias armate expellente le de iste pais.
 A causa de iste deception, Saddam Hussein ha
excellente rationes pro odiar nos.

Ora, on pote arrivar a un ex duo explicationes pro le
apparente permission que Glaspie dava a Hussein pro
invader Kuwait:

(1) Il habeva grandissime confusion in le canales de
communication inter Washington e nostre ambassada in
Iraq.

(2) Bush I dava a illa instructiones de dicer isto a
Saddam Hussein, approbante, il pareva, su invasion de
Kuwait.

Io crede que Bush I deliberatemente provocava iste
guerra pro distraher le publico american de nostre
problemas domestic de ille epocha.

Tal guerras ha multe antecedentes in le historia.  Pro
exemplo, Galtieri de Argentina invadeva lo que le
angleses nomina le "Falkland Islands" (ma que le
argentinos nomina le "Islas Malvinas") pro distraher
le publico argentin de un crise social etiam plus
seriose que le problemas que confrontava Bush I.

Galtieri, un forte anticommunista, credeva que nostre
Presidente Reagan le appoiarea in su invasion.  Ma
Reagan appoiava Margaret Thatcher, dante a illa
intelligentia militar ex nostre rete de satellites.

Le britannicos repelleva le argentinos assatis
facilemente, e Galtieri esseva arrestate e
imprisionate.  Multe americanos tamen considera que
Bush I es un heroe proque ille non perdeva nostre
prime guerra contra Iraq.

(Non oblida:  Le admiration del germanos pro Hitler
cresceva continuemente post le Anschluss con Austria e
su invasion succedite de Czechoslovakia.  E nos le
americanos contemporanee es multo simile al germanos
de ille epocha.)

Il me pare in iste momento que nostre invasion de Iraq
habera duo resolutiones possibile:

(1) Eventualmente nos va installar un nove filio de
puta nostre (como Mobutu in Zaire o Marcos in le
Philippinas, pro exemplo), que repetera le oppression
del Iraqis, e un altere vice le franceses potera dicer
"Plus ça change, plus c'est la même merde."

(2) Le iraqis continuara lor opposition a nostre
invasion como le algerianos resisteva le franceses.
Eventualmente le pretio economic e moral de iste
processo devenira troppo grande pro nos, e nos debera
abandonar Iraq como nos abandonava Viet Nam

Il es possibile--forsan probabile--que al fin de iste
processo un filio de puta iraqi simile a Saddam
Hussein ma independente del Statos Unite emergera pro
governar le pais.  E in iste caso, le franceses anque
potera dicer "Plus ça change, plus c'est la même
merde."

Como diceva Mark Twain, "Comparing mankind to a herd
of jackasses is a tremendous insult--to the jackasses"
 (Comparar le humanitate a un grege de asinos es un
insulto tremende--al asinos.)

__________________________________
Do you Yahoo!?
SBC Yahoo! DSL - Now only $29.95 per month!
http://sbc.yahoo.com