Io sta con vos, amicos (Piet e Janne), mais il non es in le spirito de
interlingua a arguer que 'nos ha usate iste parolas pro cinquanta annos'
pro justificar un certe uso. Tosto 'nos' va esser morte, e nos non va
semper esser presente pro dar nostre voces in appoio de un uso. Nos
debe usar principios que vive post nos.
'es', 'va', 'ha' es formas auxiliar de verbos, chefmente in
usos con participios perfecte e infinitivos. Proque interlingua
non ha desinentias de persona con su verbos, le forma pro iste
auxiliarios esseva un forma le plus commun, le forma del
presente, persona tertie del verbos 'esser', 'vader', e 'haber'
in la majoritate del linguas romance. Proque illos es usate in
le tempore presente, illos es usate ultra le uso como auxiiarios
in aquelle tempore verbal.
E interlingua non esseva create pro esser simple o regular, proque
on pote arguer super lo que es simple o regular, mais solmente pro
render objectivemente le vocabulario international. Su grammatica
non ha includite formas que on ha pensate a priori es 'simple'
mais ha (grammaticalmente) eliminate functiones grammatical non
trovate in tote le linguas fontal primari—con le idea general que
si un lingua pote functionar sin le function in question, alora
interlingua pote assi functionar. E le regularitate de su
vocabulario veni del regularitate del systema latin de formation
de parolas. Iste systema es trovate in (quasi) tote le parolas
international in tote le linguas fontal.
>From: cleij <[log in to unmask]>
>Subject: Re: io son, era: Que es le vocabulario de interlingua? (Attention:
>contine un question heretic!)
>
>Car Janne,
>
>Io es totalmente de accordo con te.>
>Salutes
>Piet
>
>
>----- Original Message -----=20
>From: "Jan =C5rmann" <[log in to unmask]>
>To: <[log in to unmask]>
>Sent: Friday, July 25, 2008 11:18 AM
>Subject: Re: [INTERLNG] io son, era: Que es le vocabulario de interlingua=
>?=20
>(Attention: contine un question heretic!)
>
>
>> Amicos,
>>
>> Proque non continuar a usar IO ES como nos lo ha usate in decennios? Un
>> importante "ration de esser" de Interlingua usate ad hoc es su
>> simplicitate.
>>
>> Janne
>>
Stan Mulaik
--
Archivos e disabonar: http://listserv.icors.org/archives/INTERLNG.html
|
