Ecce le  tercie responsa de 777 777 a me (usque nunc isto es le ultime):

 

>[Io]: Le russo non es le lingua basic slave mesme. 

 

Anque le interlingua es un lingua basic de nihil, nonobstante que tu lo non percipe. Le interlingua es un cosa sin valor construite per qualque homines miserabile aspirante al gloria.  

 

>>[Io]: .e illo non se formava assi, como le interlingua.

 

>[777 777]: Isto es ben un fortuna, que illo non se formava assi. Illo [i.e. le russo] es al minus usabile assi.

 

>[777 777]: Le svedeses percipeva, que isto [i.e. le interlingua] es un [secundo le construction hungare de slang:] un cappello de merda, usabile a nihil. 

 

[Supponibilemente ille indica a illo, proque on reimplaciava le latino in vice de interlingua in le disciplina "vocabulario international in Svedia, secundo ille. - Peter Kovacs]

 

>>[Io]: Si tu crede, si non: mesmo le esperanto ha utilitate [.] Le apprender de cata (qualcunque) lingua ha utilitate.

 

>[777 777]: Certemente, idiotas es trovabile ubique; multes apprende le esperanto anque, e con illos tu pote corresponder. Ma pro isto le esperanto non essera plus utile.

 

>[777 777]: In cetero tal constructiones de parolas, como le 'butyro' prova justo le inverso de illo, que tu scribeva, que omne le parlantes native de linguas neolatin lo [i.e. le interlingua] comprende; mesmo: justo le inverso es ver: normalmente nulle romanophono lo comprende [i.e. le parola 'butyro'] (informa te super illo, in qual lingua neolatin il ha un parola al minus simile al 'butyro'). Illo, que le grammatica es idente [con illo del linguas neolatin, ille intende - falsemente naturalmente - P. Kovács], significa de facto nihil - le grammaticas del finnese e del hungaro es idente in un quantitate significante, solmente le vocabulos e le affixos non; ma le systemas multo simile.

 

>[777 777]: Mesmo si on prende le parolas ex altere linguas (germano, anglese, etc.), alora illo deveni immediatemente false, que illo [i.e. le ia - PK] es comprendite per romanophonos, que illo [le ia - PK] se construe quasi totalmente a illos [= linguas neolatin]. Isto es mendacio.

 

>>[Io]: Le valor de omne linguas es determinate per lor usabilitate 

practic e per lor uso; nam le scopo final del uso de linguas es le 

communication mesme. E pro isto le interlingua es apte (anque in voce!); 

e pro isto le interlingua es mesmo usate; isto pote esser verificate per 

multes. 



>[777 777]: Evidentemente, cata lingua es apte proque communica per illo illos, le quales los apprendeva; etiam le esperanto [es apte a illo - PK], mesmo si io crea uno deman, anque illo esserea etiam apte. Ma stupide es illo, qui apprende plus tosto un tal lingua, non un lingua natural. 


--------------------------------------------------------------------------------




Nunc io sta ante le responder de iste littera de 777 777.



Io traduceva pro vos omnes; vos cognosce le antecedentes. Per favor adjuta me: que io deberea responder (sapiente le antecedentes vos certemente pote dar consilios e/o scriber vostre concrete responsas personal) a iste homine? Como vos vide, ille non argumente, solmente assere e repete cosas (parolas hungare offendente, le quales io non poteva traducer), sin verification, sin justification. Io es quasi convincite, que io scribeva toto, que nos sole scriber como argumentos in favor de interlingua (vos pote vider isto in le traductiones). Que poterea esser le strategia adequate secundo vos in de plus?



Io vos demanda etiam in general super tal occasiones, situationes: que on pote facer con tal homines, le quales ha prejudicios contra qualcunque lingua "artificial", omne linguas artificial, respectivemente contra le concepto, le idea del lingua "artificial" mesme? (Io le scribeva, que interlingua ha plus tractos characterisante linguas natural, que ulle altere lingua "artificial" - vos pote vider, in van.)



Si alicuno senti le inclination a responder a iste homine immediatemente, illo pote facer isto directemente al foro electronic. Benque illo es in le hungaro, io non videva nulle regularisation del topico, le qual prohibirea le uso de altere linguas. Alora vos poterea responder a ille directemente in le topico, directemente in interlingua ... ille alora viderea al minus, que si; isto functiona, vive, ha totevia utilitate, non es "stupiditate", etc. Si vos scriberea in interlingua, ille lo certemente comprenderea, nam ille scribeva, que ille pote facer se comprendite in Italia secundo su sapientia del lingua espaniol (dunque vos poterea scriber a ille etiam in espaniol).


Le pagina directe al topico "Qual es le plus simple lingua de EU?" (ubi omne istos appareva) es: http://forum.index.hu/Article/showArticle?t=9091024&la=41002926 . Iste topico se trova inter le topicos del collection de themas "Nyelvtudor" (=sapiente, professor, etc. de linguas): http://forum.index.hu/Topic/showTopicList?t=9112599 (in le categoria grande "Filosz"). Le URL principal del foro es http://forum.index.hu .

Non vos preoccupa, que isto es un foro hungarophon: il ha topicos in altere linguas (espaniol, italiano, germano), in quales se trova etiam homines del estraniero e/o lingua materne non-hungare.

Ante que poter scriber al foro, on debe registrar se in le parte sinistre del schermo  sub le parola "Belépés" (='entra'); clicca al "regisztráció".

Participa in le topico (ma per favor non mentionar mi ver nomine ibi).

Si alicuno volerea inviar message al lista sin registration, io lo tranmitterea e traducerea con gaudio, ma plus ben esserea, si vos scriberea personalmente al topico (assi il esserea plus authentic, credibile pro ille).

Attendente vostre reactiones, opiniones, recommendationes, observationes, etc. super le thema; amicalmente:

Péter Kovács