"Alexander E. Kirpichev" wrote:

> Salute, car interlinguistas!
> On multe dice ci (in Russia) re le "calefacer global".
> Io es interesante: Que on dice re illo en vostre landas?

Justo in iste dies on ha un conferentia in re le
calefaction global a Amsterdam. Le medios ci in Svedia ha
parlate multo de isto. On es del opinion que un del causas
de iste effecto es le uso de hydrocarburos (anglese:
hydrocarbon, russo: uglovodorod [-rOd]). E le amicos del
ecologia pur gaude multo a causa del altissime precio de
petroleo (e su productos derivational). Le usatores de dito
petroleo es minus gaudiose et in multe paises del Union
Europee on ha demonstrate - in Francia - multo
drasticamente.

Inter le specialistas il ha duo campos: un que crede que
omne le tempestas, huracanos, taifunes et cetera es justo
le resultato de ille calefaction, durante que le altere
gruppo mantene que le terra ha experientiate simile
periodos de rapide calefaction antea. Le humile scriptor de
iste lineas solo memora haber legite que le periodo Ems
(ort.) ubi Europa habeva un multo subite calefaction
immediatemente post un glacial. On haberea tunc, secundo un
libro popular, hippopotamos* mesmo in Anglaterra.

In le 70's ego videva un programma televisive secundo le
qual nos iva verso un nove glacial, e ego me recorda unquam
ha traducite un articulo sur le mesme thema. In ille
articulo on assertava que il bastarea 3 estates con
temperaturas usque 0 grados C proque on haberea un glacial.

Glaciales, secundo iste articulo, poterea anque esser le
resultatos de cambios del distantia inter Terra (Tellus) e
Sol. Nos soleva in ille tempores burlar que "Nunc veni un
nove glacial" sempre quando le primavera era tarde un anno,
quasi quando infantes poteva eriger homines de nive (forsan
"effigies de nive")

Ditto humile scriptor es sempre plus inclinate creder que
ille calefaction es un thema favorite del politicos, proque
on pote parlar multo et facer nihi et intrducer nove taxas.
Certe paises vole, a proposito, facer multo plus nihil que
alteres, ma isto es un altere historia.


Un eruption de didactica. Per favor, memora que hippo =
cavallo; potamo = fluvio, pro exemplo Mesopotamia
(Interfluvia) como on antea appellava Iraq.

(Le vetere parola pro cavallo in finno es _hepo_ e in
svedese _häst_. Que le neoperso ha un simile parola vos jam
sapeva, nonne? ;-)

Hydrato de carbon (carbohydrato, kolhydrat, uglevod) es un
bon parte de nostre nutrimento.

Hydrocarburos, carburos de hydrogeno (uglevodorod,
kolväten) es petroleos e varie gasos de combustion.

Le campo que supporta le idea de un calefaction global pote
monstrar al non-disputabile facto que le temperatura _ha_
augmentate in le ultime annos. Ego lo memore in mi proprie
tempore de vita, que le hibernos in mi infantia et
adolescentia era multo plus frigide et nivose que hodie.

Sperante que isto responde le question.

Cellus, un meterologiomano (-Omano)