Multe gratias, Kjell, pro tu explicationes super le drogas in Svedia. Io
pensa que le puncto de vista de multe personas es differente hic. Alcun del
plus importante philosophos espaniol -Sabater e, super tuto, Escohotado-
vole le legalisation secundo le criterios del liberales svedese. Io ipse es
in favor de illo, malgrado io non pensa que le legalisation essera un
solution absolute. Io vole dicer que postea le legalisation, le suffrentia
de illes qui non sape o non pote usar ben le drogas continuara. Ma illo
essera minus grave, e le libertate del resto essera major.

Ignacio Martínez Recari.
[log in to unmask]

P.D. Esque Anne Bürgi ha legite su "masterpiece"?


-----Original Message-----
De: Kjell Rehnström <[log in to unmask]>
Para: [log in to unmask] <[log in to unmask]>
Fecha: miércoles 29 de abril de 1998 19:51
Asunto: Drogas in Svedia


>In le prime parte io probava describer le drogas le plus usual in Svedia.
>In iste parte io vole tractar le narcoticos, los que nos le plus associa
>con drogas. In isto io pote solmente judicar del reportos del medios, viste
>que mi experientias personal es extrememente insignifcante.
>
>Le prime drogas veniva a iste pais in le 50-as, quando cocaina era usate de
>musicos de jazz american. Alcun musicos svedese apprendeva le costumine e
>il habeva alcun casos tragic.
>
>In le 60-as insimul con le movimento del poter del flores veniva a ci
>onhabeva un attitude assatis liberal a stimulantes central o halucinogenos.
>Isto veniva insimul con le liberation del "bira medie" que era un poco plus
>forte que le "bira normal". Isto significava le introduction del bira in le
>cultura svedese. Il habeva certo existite bira antea, ma illo non era bon e
>il habeva un multitude de regulas circum le bira.
>
>Plus cognoscite era forsan le postulato que si on in un bireria commandava
>un bira on debeva etiam prender un sandwich. Nulle persona mangiava le
>sandwich, e il poterea esser riscose mangiar lo, pro que illo era date e
>non mangiate ma date al cliente sequente con su bira de ille!
>
>In general Svedia ha ducite un plus dur politica contra le drogas que multe
>altere paises. On pote in practica notar duo tendentias:
>1. Le liberales de drogas vole plus libere regulas.
>2. Le companias testa su neoempleatos pro deteger uso de drogas illicite,
>viste que isto pote poner le travalio in periculo.
>
>Al mesme tempore que on vehemente protesta contra le uso del tabaco on es
>in favor de plus de uso de altere drogas. In le realitate il se tracta de
>differente gruppos.
>
>Le "liberales" dice que cata uno debe prender su proprie responsabilitate.
>Del altere latere si il ha un genetic predisponibilitate a abuso de un
>droga in un certe population, il forsan es sage que le autoritates
>introduce limitationes.
>
>In le europarlamento il ha un gruppo que vole legalisar le drogas. In
>Svedia ille gruppo non ha un tanto grande supporta.
>
>In multe urbes de Svedia il occurre que "venditores illicite" proba vender
>drogas al juvenes scholar. Le policia face lo que illo pote pro contrapesar
>iste criminalitate, ma probabilemtne in van.
>
>Forsan altere svedohabitantes pote complettar iste description...
>
>
>
>Kjell [log in to unmask]
>Kjell Rehnstroem
>Vaenortsgatan 87
>S-752 64  UPPSALA
>Suedia - Sweden