Le conception post-modernista que linguas es affaires in que personas
es totalmente libere a selectionar lor parolas que illes vole ignora
le facto que pro le communication il debe haber regulas e  que iste
regulas debe esser acceptate  per un communitate.  Le lingua non es
un affaire individual.  On pote crear nove formas como un individuo,
mais pro tal formas esser un parte de un lingua require que alteres
accipe tal formas e los usa in communication. Isto require bon
persuasion, principios, rhetorica, o base pro le communitate a acciper
tal formas.  Harleigh non vole dar rationes pro su uso. Ille ha nulle
rationes super le qual ille selectiona certe parolas altere que ille
los ama. E su exemplo personal non semper induce alteres a imitar le.

Linguas es objectos de human conception. Mesmo le idea que linguas
es sin regulas es un conception -- erronee non le minus.  Le conceptiones
es originalmente individual, mais a devenir le base de un lingua, illes
debe devenir commun in un communitate.  Gode e IALA ha presentate un
conception de interlingua que on pote constatar lo objectivemente in
le majoritate de casos. Isto da un base pro evitar le confusiones de
selectiones libere e subjective. Isto es le idea basic de interlingua.

Cordialmente,
Stan Mulaik