d[010711] x[Kiviaho Allan] z[KivA-17Aoc interlng coollist]
s[Interlinguanismo como movimento]

[log in to unmask]
[log in to unmask]

Salute!

In nostre correspondentia re le parola
"interlinguanista" on ha scripte de gentes qui parla
interlingua e/o studia lo.

Sed omne movimentos de planlinguas ha habite
adherentes qui non maestra le lingua que illes
promove.

---------------------------------------------------------------
Kirpichev Alexander E 010709: Lingua sempre es un instrumento
ma non ideologia!
------------------------------------------------------x--------

Le ex-commissario del Union Europee, Emma Bonino, es
un forte advocator de esperanto sed illa
probabilemente non pote scriber o leger in iste
lingua. Assi, an esperanto non es un ideologia e
politica pro sra Bonino, sed nulle linguistica?

    Interlinguanistas italian! An il non es disgratia
    pro Italia que il ha duo forte movimentos de
    esperanto in Italia, le Partito Radical e le
    IAS - International Academy de Sciences /
    AIS - Akademio Internacia de la Sciencoj
    (San Marino / Rimini) que pro le momento
    nulle movimento official pro interlingua, benque
    Italia es le hereditario principal del cultura
    greco-roman?

- - -

E.g. le gruppo [log in to unmask] es un foro
ubi fanaticos debatte pro su linguas preferite quasi
solmente in - anglese.

Esperantistas ha alicun vices accusate que le
directores in UMI non pote parlar su lingua ...

Salutante

Allan

- - -

P.S.

Io ha expedite iste messages a

[log in to unmask]
               e
[log in to unmask]

proque on ha facte le discussion in ambe listas e il
probabilemente ha personas qui non ha prescripte a
[log in to unmask] e forsan alicunos
qui ha prescripte solmente al Coollist.

Io pensa que il es   I M P O R T A N T E   haber in
le portal principal del UMI,
           http://www.interlingua.com
o altere, un actualisate lista de membros del
        [log in to unmask]

Si on pote subcargar le lista ipse, on deberea haber
un loco in internet ubi on pote leger le instructiones
immediatemente e facilemente.

In nostre portal on deberea haber le mappa del sito e
le prime pagina deberea guidar le usator:
- Qual es interlingua?
- Proque interlingua?
- Como io pote apprender interlingua (dictionarios,
  grammaticas pro subcargar etc.)?
- Como io pote practisar interlingua?

Hodie le prime pagina del http://www.interlingua.com
lassa un completemente perplexe.

Le interlinguanistas e interlinguistas qui pote usar
HTML (alicunos pote usar mesmo Java, PERL etc.)
deberea facer prototypos pro le prime pagina de
nostre portal. Post le UMI-XV-GDANSK, forsan. Iste
personas debe se organisar. Le webmaestro non pote
facer toto. Le prime pagina es un arte raffinate. Le
http://www.interlingua.dk/2001.htm es imposante, illo
ha etiam le mappa de sito.

Un disgratia es etiam que nos ancora non ha un grande
dictionario anglese-interlingua. Le dictionario
anglese-interlingua es multo plus importante quam le
IED (interlingua-anglese) proque le dictionario
anglese-interlingua es le instrumento principal
(pro le anglophonos). Pro me il es meraviliose que nos
ha bon dictionarios germano-interlingua e
svedese-interlingua.

E nos non ha un grammatica sufficiente in interlingua.
Etiam le grammatica in anglese de Gode & Blair non
es satisfactori proque anglese es un mal ponte inter
le linguas de Europa continental e interlingua e in
iste libro le prepositiones e un plure de altere
questiones son deficiente tractate.

Per aspera ad astra!

Allan