Martijn Dekker wrote:

> (...) Secundo le puncto de vista del instructor, il existe un importante
> differentia grammatic inter un participio perfecte ("recognoscite") e
> un adjectivo verbal ("recognite"). Le scientista linguistic, al
> altere latere, los recognosce como exactemente le mesme cosa,
> compliente le mesme function linguistic, e per consequente
> excambiabile. Le distinction es artificial, e in mi opinion
> innecessarimente complicante.

Gode et consortes era ben consciente que il ha personas con varie fundo lingual
qui approxima se al lingua auxiliar, e il es in iste respecto bon que ambe le
modos de usar le verbos existe. Ego pensa que on debe poter trovar un modo de
viver pro ambe le opiniones.

Il es ben comprensibile, primo on apprende le formas regular e quando on es un
poco plus habile an se leva un nivello e apprende le "irregular" ma ben
international formas.

Il es amusante que on non usa le mesme modello pro le ordinales ubi on a unesime,
duesime, tresime, quatresime, cinquesime, sexesime... e postea on pote apprender
le tanto ben comprensibile "prime, secunde, tertie..." Toto depende de qui
apprende e pro qual scopo.

Cellus