Jay,
  Tu conto esseva multo bon.
  Io va adder altere informationes que io ha apprendite.
  Nos ha iste factos que FEMA ha retardate in su movimento a in
New Orleans. Le admiral del marina de guerra ha dicite que su
fortias esseva in loco preste entrar se in New Orleans--si le
ordine esseva date per FEMA (Agentia Federal de Gerentia del
Emergentia). Le ordine non ha venite fin a venerdi.  In le
interim le burgomaestro de New Orleans diceva que ille supplicava
FEMA a venir con su fortias, mais, mesmo quando illes diceva que
illes veniva, illes non veniva. Il sembla que un conflicto ha
existite inter le governatrice del stato de Louisiana in que
se situa New Orleans e le director de FEMA.  Le argumento esseva
super un carta de organization. Le FEMA non voleva venir si
le guarda national del stato de Georgia non esseva federalizate
sub le commanda de un general del armea federal.  Ille habeva
le derecta a voler retener le controlo de su fortias, proque
illa voleva que illes servir a reinfortiar le policia de
New Orleans, proque in lor stato le guarda ha poteres del policia.
In le armea illes non haberea iste poteres.  Illes solmente
pote tirar a spoliatores, non arrestar les.  In le interim de
iste debatto, le fortias de adjuta sedeva disoccupate fin a le
director de FEMA dava le ordine.  Finalmente le burgomaestro
de New Orleans ha parlate a un interviewer super su frustration
super iste situation.  "Centos, milles se mori e le gentes in
Washington sede super lor posteriores e face nihil a causa de
iste debatto." Le interview apparentemente ha producite resultatos.
Il deveniva obvie que FEMA querelava super un puncto minor, durante
que gentes se moriva a causa de su inaction. Infortunatemente
Bush non ha entrava le debatto fin a ille esseva embarrasate super
le inaction de su subordinates. Mais un general ha essite inviate
qui habeva un multo practic e realistic attitude verso le problemas.
Su bureau esserea ponite al latere del bureau del governatrice e
illes insimul cooperarea in dar le ordines.  Le general equalmente
ha vadite in le stratas de New Orleans ha vidite le situation
con su proprie oculos.  Altere personas ha venite de Washington
equalmente pro vider le ver situation.  A iste puncto plus action
esseva mittite in effecto.

Un altere cosa que nos nota es un tendentia de FEMA a voler
gerer tote detalios del effortio de salvamento.  Mais  illes faceva
decisiones inexplicabile.  Un caravana de camiones ha venite de
Chicago con aqua pro esser in loco quando le hurrican ha passate.
FEMA ha stoppate les e ha ordinate les a retornar se. Le aqua non
esseva necesse.  Le presidente de un 'parochia' (similar a un
contato) sud de New Orleans habeva ordinate le aqua.  Le sheriff
de iste mesme  parochia habeva solmente le lineas del telephono pro
contactar adjuta in le capitolio de Lousiana, Baton Rouge.
FEMA ha severite le lineas (proque, qui sape?) e le sheriff debeva
inviar alcun de su deputatos al loco pro reconnectar le lineas e
guardar le connection.

Le director de  FEMA non esseva experientiate  in disastros ante
iste position.  Ille esseva un director de un association pro le
cavallos arabe, elevate  per le ric; e on dice que ille non esseva
un bon gerentia in iste position.  Mais ille esseva un adherente e
amico de George W. Bush, qui ha date le iste position importantissime.
Su effortios in gerer le effortios de salvamento in le hurricanes
de Florida esseva  adequate. Mais possibilemente ille pensava que
il es essential a controlar tote detalios.  Mais con disastros de
iste magnitude on non pote gerer tote le detalios. On debe poner
su fortias de adjuta immediatemente in le sito e lassa le gentes
la tractar le situation como illes lo vide.  On debe lassar le
natural sentimentos human guidar le gentes in adjutar le un le altere.
Milles de gentes va venir con le adjuta. Il non es necesse controlar
tote iste effortio, proque un natural resultato va emerger in le
interactiones inter le adjutatores e le victimas. Lassa  toto  qui
vole  adjutar face lo que  illes  vole.

Un  anxietate que io ha super le deportation de tote le cititanos
de New Orleans de lor citatate es que illes va sentir se in le fin
impotente, que va esser multo demoralizante. Le victimas de un
disastro  debe luctar con illo e resolver lo--si illes es date le
fortias e medios pro facer lo.  Si alteros reconstrue lor citate,
il non essera lor citate. E pro semper illes sentira se fallimentos.

De mi sofa in fronte del television in Marietta, Georgia io es vive...

Stan Mulaik

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================