Il ha ora ancora tres dies pro inscriber te e tu familia al grande 
conferentia international de interlingua le 16-22 de julio in le village 
pittoresc Åsa in Svedia, proxime a Göteborg e Varberg e con facile accesso 
del aeroporto de Göteborg.

Le 15 de maio es le ultime die pro le inscriptiones - ma face lo tosto pro 
esser secur de haber le typo de camera que tu desira. Le centro conferential es moderne, ha tote facilitates e es situate 
solmente 75 metros del mar salin e le bon plagia. Le conferentia essera un 
evento exceptional con interlingua de matino a medienocte, con 
discussiones, con excursiones interessante, con musica e cantar, con 
intertenimento, con conversationes, con labor practic in gruppos, e con 
presentationes e discursos super omne themas - ma sempre in interlingua. 
Naturalmente il ha anque un curso pro comenciantes. 

Utilisa le chance pro vermente usar interlingua activemente in bon 
compania international. Inscribe te hodie - e lege plus super le 
conferentia e le excursiones - per visitar http://www.interlingua.com. Un serie de brochures touristic super le attractiones local es publicate 
ci con permission del autoritates touristic. Lege super le fortalessa e 
castello de Varberg, face un circuito pedestre in le fortalessa, lege 
super Grimeton - un hereditage cultural con extension global e super 
Getterön - un reserva magnific de aves. Plus de materiales va sequer! 

A revider in Svedia iste estate! 

Con le optime salutes 
le comité organisatori 

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================