Frank Pfaff ha scripte:
> 
> In general, io pensa que le brasilieros son multo poetic con lor nomines e
> pare prestar liberemente cosas que los place.  In annos passate io jocava
> "futebol" con immigrantes brasilian hic in Florida. Un se appellava
> "Ladislas". A proposito, Ensjo, que es le origine de nomines como Nelson e
> Emerson in Brasil?  Illes sona multo anglesic.  Es ver?

Si, iste nomines son estranier. Hic nos pote poner qualcunque nomine in
le filios.

Al vices isto causa situationes vexatorie pro le filios. Il ha nomines
byzarre como "Um Dois Três de Oliveira Quatro" (Le numeros ab 1 a 4 con
un "de Oliveira" "normal" in le medio). Ma isto es problema del
officiales responsabile per le registro del nomine del infante. Ille ha
plen libertate de "vetar" un nomine si ille considera que le nomine
apportara futurmente vergonia a su possessor.

Al vices le personas minus "studiate" vole poner nomines estranier que
les place in lor filios, ma scripte con grafia apportugesate, o como
illes lo audi. Per exemplo, le nomine "Michael" (pronuntia anglese)
deveni erroneemente "Máicon".

In un reportage io videva que un official mantineva presso a se un stock
de "exemplares" de nomines estranier. Duo sposos un die voleva poner le
nomine "Máicon" in un filio, in iste ipse graphia, e ille promptemente
tirava un copertura de un disco de Michael Jackson e demandava "Es iste
le nomine que vos vole dar a vostre filio?". Illes reluctantemente
concordava, e alora ille diceva: "Alora es assi que illo debe esser
scripte." :^) Iste puero se salvava, gratias al intervention del
official.

In Portugal, contrariemente, le personas debe seliger ab un lista de
nomines "possibile". Isto non me place.
-- 
   ENSJO : EMERSON JOSÉ SILVEIRA DA COSTA
  E-mail : mailto:[log in to unmask]
Homepage : http://www.nautilus.com.br/~ensjo/
Addresse : Conj. Panorama XXI, Q. 26, C. 14
           Nova Marambaia
           66625-280 Belém - Pará - Brasil
Telephono: (091) 231-5740 // +55 91 231 5740