(Advertimento: isto littera contine pensatas sin structura.  Forsan le
maxime parte es pauco interessante.)

[Egomet]

> Proque le parola deriva ab latino "mulier" (gen. mulieris), non debe
> le parola esser "muliere" in interlingua como le ablativo latin?  Le
> maxime parte del substantivos romance de interlingua me pare derivar
> ab le ablativo latin, non ab le nominativo.

Il ha exceptiones, io vide nunc: mi lista del parolas ha "uxor"
(ablativo latin "uxore").  Sed: "homine", "viro", "nive" (pro "homo",
"vir", "nix").

Nunc il me pare que le substantivos latin de interlingua es simile le
ablativo latin, excepte alicun del declination tertie.  Et le
substantivos del declination quarte ha -o pro -u: fructo, corno, mano
(ablativo latin: fructu, cornu, manu).

Le declination tertie de latino (substantivos con le genitivo -is),
que es complexe, es assi:

1. Con -um in le genitivo plural:

Singular:  Nom/vok:      rex (m)   regio (f)   corpus (n)
           Acc           regem     regionem    corpus
           Gen           regis     regionis    corporis
           Dat           regi      regioni     corpori
           Abl           rege      regione     corpore

Plural:    Nom/vok/acc:  reges     regiones    corpora
           Gen           regum     regionum    corporum
           Dat/abl       regibus   regionibus  corporibus

(E il ha accusativos -im [hic nil interest])

2. Con -ium in le genitivo plural:

Singular:  Nom/vok:      civis (m) urbs (f)    mare (n)
           Acc           civem     urbem       mare
           Gen           civis     urbis       maris
           Dat           civi      urbi        mari
           Abl           cive      urbe        mari

Plural:    Nom/vak/acc:  cives     urbes       maria
           Gen           civium    urbium      marium
           Dat/abl       civibus   urbibus     maribus

Le substantivos sequente ha le genitive plural -ium:
 Nominativos con -es e -is que ha syllabas par in le nominativo e genitivo. (*)
 Illo que ha plus de uno consontantes ante -is in le genitivo singular. (**)
 Neutros con -e, -al e -ar.

(*) exceptiones: canis, mensis, iuvenis (canum, iuvenum, mensum).
(**) exceptiones: pater, mater, frater (patrum, matrum, fratrum).



Le substantivos neutre con -e, -al e -ar, que ha -i in le ablativo
singular, pare que perder le -i in interlingua: animal, mar, calcar.

Le substantivos altere con le genitivo plural -ium tene le -e:
 mense, nube, urbe, cive, igne, nave, clave, ordine, carne, dente,
 corde, -ente, -ante, parte.

Le substantivos con -um in le genitivo plural pare que tener le -e:
 Masculino: rege, homine, patre, fratre, pede, bove
 Feminino: -tate, pace, radice, arbore, matre, nive
 Neutro: corpore, tempore, nomine, capite, lacte, marmore

 Sed: -ion (f), -tor (m, como amator), labor (m), amor (m), color (m),
      uxor (f), can (m, f), par (n)

 Il me pare que le substantivos con -or (gen. -oris), que es normalmente
 masculine, perde le -e, sed le neutros: corpore, tempore, marmore.
 Et: arbore.



Iam il me non pare totalmente clar.  Esque il ha un systema?

--
Steinar