Chris,
   Tu ha ration. Secundo su remarcas a basso, Jay non es un trinitariano.
Totevia ille non es un "unitariano" in le senso usual de aquelle parola.
Le "unitarianos" es illes que crede que il ha necun Deo e Ille es
le Homine.

   Mais mi position super iste inflammation aqui es que nos debe sequer
le regula non a attaccar le religion (o le politica) de un altere aqui.
Isto non interdice le expression de opiniones e credos personal.  Il es
le position que "Isto es mi credo.  Tu es libere a haber tu proprie
credos".  De plus io suggere que on sia caute in exprimer su proprie
credos religiose pro non crear le impression in alteros que tu essaya
a cambiar lor credos in favor del sue.

Stan Mulaik


>Chris Burd ad [log in to unmask] ha scripte in 2000/11/06 6:51 PM:
>> On dice forsan melio que le Testes es christianos non-trinitarian, lo que
>> es naturalmente un differentia profunde relative al major parte de altere
>> traditiones christian. Jay, esque tu te accorda con iste formulation?
>> Amicalmente,
>> Crhis
>
>Car Chris,
>Io dicerea que le Testes de Jehovah son Christianos qui
>supporta le opinion Biblic que il ha un sol Deo, e que
>Ille Deo es le Deo de Abraham, le Deo de Rege David, le
>Deo de Jesus Christo. Ille Deo es nostre Deo, ille es Un
>e non tres. In Johannes 17:3 e 20:17 on pote observar
>que Jesus mesmo considerava que ille non esseva Deo, ma
>que ille esseva le Filio de Deo. Deo ha un Nomine assi
>como su filio ha su nomine. Deo se appella "Jehovah"
>o mesmo "Yahweh", o "Jahveh", il non importa qual
>pronunciation on usa assi como il non importa como
>on pronuncia le parola "Jesus" que originalmente
>se haberea pronunciate alco como "Ieschua" in hebreo.
>Nos pote comprender qui es le filio e qui es le
>Deo del filio, assi como le filio mesme affirma que
>il ha un Deo, e solmente un ver Deo.
>
>Le Biblia nunquam mentiona un trinitate.
>Ma le Nomine de Deo appare in le Biblia quasi
>7000 vices, proque creder in un falsitate e
>non in le Nomine del ver Deo? Tal es le
>credentia del Testes de Jehovah.
>
>Io spera que iste explication suffice pro affirmar
>le credentia basate in le Biblia del Testes de
>Jehovah. Si alcuno vole plus information o referentias
>pro illo, illes me lo pote petir privatemente e io
>como sempre essera multo felice de dar un explication
>pro mi fide Biblic.
>
>Sincer e amicalmente,
>Jay B.