[Iste messages era inviate originalmente al lista del Academia Pro Interlingua. Perque Jay
etiam ha inviate su e-posta original al qual istos ha respondite a INTERLNG, io manda istos
a INTERLNG]

Jay B. ha referite a Karekin II como le "Patriarcha del Ecclesia Armenian."

"Catholicos" e non "patriarcha" es le ver titulo de Karekin II, le leader del Ecclesia Apostolic
Armenian. Le ecclesia es plus ben cognoscite como le "Ecclesia Orthodox Armenian," ma illo
non es orthodox, essente un ecclesia monophysite que ha separate se del diophysitistas (le
diophytistas postea deveniva le ecclesias catholic e orthodox) in le anno 451 del era
commun. Etiam, le ecclesia armenian es independiente de altere ecclesias perque illo era
fundante (sequente le historia traditional) per le apostolos Thaddeo e Bartholomeo.

Il ha duo "patriarchas" in le ecclesia armenian, le Patriarchas de Constantinople e de
Jerusalem. A proposito, le Patriarcha de Jerusalem, Torkom Manoogian, es un amico de mi
familia--ille antea era le arcopiscopo de Nova York durante multe annos.

-Julio


Gratias Julio pro le correction, le titulo
io lo traduceva ab le anglese secun le
information in le articulo original per
le servicio de novas. Le terminos "catholic"
significa "universal" nonne? Como es
le Ecclesia Apostolic Armenian supportate
in iste dies e organisate per le globo. Io
sape que il ha un population importante
in Jerusalem, con le quarto armenian del
citate vetule, illo es famosissime nonne?

Le historia del Armenios es multo triste
in mi opinion. Le diaspora que illos suffreva
memora me del similar exilio de judeos.
Hodie in le Statos Unite il ha multe personas
de hereditage armeniano... io habeva varie
studentes in mi classes que esseva armenian.
Su nomines pare sempre multo musical in
mi aures.

Amicalmente,
Jay B.