Car gemino JJ: 

Io regretta le necessitate de informar te que tu ecclessia ha essite un
error is su chronologia: le "ultime cena" era un seder, le cena ritual
que nos judeos ha celebrate cata anno durante plus que 3000 annos. Jesus
era un judeo--de facto, un rabbino--e naturalmente celebrava le seder.
Le nocte del seder es le prime nocte del festa de Pesach (in Israel, ubi
Jesus era; in le diaspora il ha dos sederes, un le prime e un le secunde
nocte). Le festa dura septe dies (in Israel, octo in le diaspora). Le
festa commemora le fugita ab egypto ad libertate per nostre ancestres,
ducite per Moses.

Ma le prime die de pesach es le 15 de Nissan, non le 14. In le calendar
judee, nostre dies commencia non a medienocte ma in le vespere; hodie (domingo le 4 de april) es le 13 de Nissan e, como tu ha scripte, iste
nocte commencia le 14 de Nissan. Ma tu celebration del "anniversario"
del ultime seder de Jesus es un die ante le ver anniversario.

Le non-existentia de deus nonobstante, deman in le nocte io celebrara,
como cata anno, le seder del Living Theatre--un grande cena, con 50 o 60
participantes. Como in tote le sederes que sera celebrate per quasi tote
le judeos in le mundo, nos usara un libretto appellate le Haggadah, del
qual nos legera le historia del exodo e le necessitate de libertate; ma
il ha multe versiones del Haggadah, omnes similar in general ma con
differentias e variationes. Nostre seder es vegetarian e nostre Haggadah
(redacte per nostre director, Judith Malina, cuje patre era un rabbino),
nonobstante que contene un grande numero de pretias hebreo e contas
traditional, advoca vegetarianismo, anarchismo, e pacifismo como parte
del busca continuante pro libertate. Como in tote le sederes observate
per tote le judeos in le mundo, cata participante es obligate per le
lege religiose de judaismo a biber al minus 4 copas de vino; le uso de
cannabis es optional.

Durante Pesach nos non mangia necun cosas que contene granos (trigo,
secale, etc) o levito. Le sol exceptiones son vino fermentate sin le
addition de levito (le fermentation usa solmente le microorganismos
ambiente in le aere) e matzoh, un "pan" sin levite facite solmente de
farina e aqua, miscite minus que 18 minutos antes de esser ponite in le
furno. (Personas cuje digestion es delicate pote mangiar matzohs facite
con farina, aqua, e ovos; le matzoh de alteros non ha necun excepto aqua
e farina). In le scriptura christian jesus dice "iste pan es mi corpore,
iste vino es mi sangue" e promette que illos que participa in le ritual
de consumar sangue e corpore sera immortal [Dracula promette le mesme
cosa, nonne? :) ], ma de facto le "pan" al qual jesus ha referite era matzoh.

Le nomine "Pesach" (del qual le festa christian "Pascha" es derivite)
es dicite esser derivate de "pasach" que significa "passava super," e le
nomine de Pesach in anglese es un traduction literal: "Passover." Proque
le menses judee son lunar, le 15 de Nissan pote esser o in martio o in
april.

ritualmente,
-Julio


--- Jay Bowks <[log in to unmask]> wrote:
From: "Kjell Rehnström" <[log in to unmask]>
> Secundo le professor il ha informationes in re que Jesus era interrate
> in un urbe sur le frontiera de Afghanistan.

Car Kjell,
Il me pare que le car professor
Eriksson confunde Jesus con
Ussama Bin Ladin, clarmente
le frontiera de Afghanistan es
plen de secretos, ma on solmente
debe leger le Evangelios pro saper
lo que occurreva a Jesus.

A proposito, hodie, iste nocte, es
le Memorial de Jesus, in le
calendario hebree le 14 de Nissan,
in ille nocte duo mille annos jam
nostre Senior diceva a su
discipulos "face isto in memoria
mie". In tote le Terra, Testes
de Jehovah celebrara iste
occassion, pro memorar le
signification del sacrificio de
nostre Senior e su resurrection
in Spirito. Le Biblia nos dice
ubi ille es nunc, al dextra de su
Patre celestial. E nos qui studia
le Biblia como parola de Deo
habera le fide que le parolas
del Filio in quanto al ultime dies
venira realitate; in isto on include
le advento del Regno de Deo,
pro le qual nos preca in le oration
exemplar appellate le "Patre nostre".

Con salutes amical,
Jay B.


_____________________________________________________________
Visit The Armenian Portal At http://www.armenia.com 
Free Email * Shopping * Chats * News