====================[ Allan ]====================
Multo plure nomines turc sona extrememente belle in aures de finnos, como:
Antalya, Alania, Korkuteli, Adana, Konya, Ankara, Izmir, Fenike, Kemer,
Aspendos, Anamur, Denizli, amukkale,
Diyarbakir, Eskisehir, Kocaeli, Manavgat, Selale, Fethiye, Pembe, Milas,
Kale etc.

====================[ Frank ]====================
Io ha nunquam audite turcese parlate.  Ma, observante iste nomines turc que
tu nos ha inviate, io los trova de aspecto belle e interessante.  In
general il me pare que le configuration de lor vocales e consonantes
conforma multo ben con le recommendationes de Mario Pei.

====================[ Allan ]====================
Io spera que vos prende mi alicun vices bastante provocative contributiones
partialmente como humor, benque torte, forsan.

====================[ Frank ]====================
Quanto a tu humor bellicose contra anglese... Nulle problema; vider/audir
mi proprie lingua per le oculos/aures de alteres es multo interessante a
me, e non causa alicun mal humor. Ironicamente il es difficile "audir" le
sono de nostre proprie lingua. Un vice io demandava a mi amico
Balam--nascite in Panama e parlator perfecte de espaniol e anglese--como
sona anglese in le aures de un espaniolphono. Io era multissime surprendite
quando ille diceva que un characteristica dominante del sono-anglese era le
sonos "S", "Z", "SH" que occure si frequentemente. Audiente anglese, ille
opinava que on poterea imaginar un combatto inter serpentes! Un pauco plus
tarde, audiente le radio durante mi retorno al casa, io debeva conceder que
ille habeva ration.

Ma, in general linguas nunquam flora solmente proque illos son belle o
intelligente.  Illos flora gratias a lor practicalitate.  Apprender un
lingua non es facile.  In un mundo plen de beltate--flores, montanias,
rivieras, mares, silvas, desertos, nuves, astros, musica e artes--le
majoritate de personas non volerea guastar le grande tempore e effortio
requirite pro apprender un lingua belle e intelligente ma sin usos PRACTIC
in lor proprie vitas.
Al altere latere, si apprender un lingua fede e stupide haberea un effecto
benefic in lor carrieras e le successo financial de lor familias illes non
hesitara acceptar lo.

Io es de accordo con Stan que le sorte de interlingua es connectite al
sorte de anglese--E al sorte de espaniol, portugese, italiano, francese,
del altere linguas romance, e del linguas non-romance que contene le
"vocabulario international". Parlante nunc del population general e non del
parve gruppo de fanaticos linguistic--si le populo ha EXPERIENTIA que
interlingua es PRACTIC!, illes decidera investir le tempore e disciplina
necessari pro apprehender lo. Si illes non ha un tal EXPERIENTIA, nulle
quantitate de argumentos intelligente, aesthetic, historic, o idealistic
poterea los convincer a guastar lor tempore.

--frank