Mario Malaguti wrote:
> 
> Car Amicas e Amicos,
> 
> sabbato al Museo National Atestino de Este io pensava plus vices a nostre
> Kjell Rehnström.
> Como haberea essite belle de haber le con me!
> In iste museo on ha le recolta plus grande del scriptura venetic, le
> scriptura del Veneti. Anque in anglese io trova le termino Veneti pro le
> antique population de mi region.
> Illes ha lassate le prime documentos linguistic in plen VI seculo ante
> Christo. Ille scribeva ab dextera a sinistra, saliva ab basso in alto,
> passava ab sinistra a dextera, e ancora ab dextera a sinistra. Como in le
> aratura del campo!
> In characteres latin isto es un exemplo:
> .S.TIIO.I.
> EX.E.I.OIIT.S.O.OX.E.
> e rendite in latino, ab sinistra a dextera, on ha:
> EGO OSTIOI EGESTIOI
> In interlingua: Io per Ostio Egestio.
> Como in tote le inscriptiones antique on debe leger assi:
> Io [es le tumba] per Ostio Egestio.
> Le tumba es personificate e illo dice a qual persona illo es dedicate.
> Vos non ha le idea de quante vices io legeva 'ego' o .OX.E. que on debe
> leger .E.XO.
> MEGO DONASTO VOTEIOS
> [Io] me donava Voteios.
> 
> Io me emoveva in iste salas.
> 
Que le selection de un pronomine pote facer tanto! Tamen, in serio il haberea
essite multo interessante vider ille museos con te, proque in mi - multo
dilettantic - studios del latino classic ego ha in plus pensate del parentela
de ille linguas. Un amico mie qui ha un enorme ammonta de sapientia in re le
linguistica me diceva que il sembla haber essite un remarcabile affinitate
inter le linguas italic. Il sembla que on ha plus de inscriptiones in illos
que ego primo pensava. 

Le litteras runic on poteva etiam scribir in varie directiones, sed runas  -
como tu sembla saper habente demonstrate un significante cognoscentia de ille
cosas - sovente era ponite in bandas decorative. 

Il vale etiam mentionar le facto que multe saxos runic era christian. Le runas
era usate durante multe tempore etiam postea que Svedia habeva acceptite le christianismo.

Runicamente
Cellus P.