Le sequente ha essite reportate in le 'EURO MP' de Tony Robinson, portavoce
pro le Socialistas Europee in le Parlamento Europee:
Congresso a Milano Fixar Manifesto
NOSTRE PROMISSAS AL UE
Vinti-un promissas solemne pro le Seculo Vinti-Un, presentate in le manifesto
redacte Socialista pro le electiones europee in junio, va presentir se al
Congresso del Partito de Socialistas Europee in Milano le 1 e 2 de martio.
Le Congresso - a que va assister tote le prime ministeros socialista e social democratic e leaders del partito del UE - va tener se a sala octo del
Fiera Milano Congressi, Largo Domodossola 1, 20145 Milano.
Delegatos del 20 partitos principal del PSE - representante le 15 paises UE
tanto ben como Norvegia e Cypro - va assistar insimul con representantes
del partitos associate suisse e islandic e 17 partitos observatores del
paises de Europa central e oriental, Turchia e Israel.
Le manifesto redacte - appoiate per leaders del partito PSE a un reunion in
Vienna e per le bureau del PSE le septimana passate in Brussels - esseva
redacte per un committee super le qual ha presidite le ministero estranier
Brittanic Robin Cook.
Le complete texto del redaction es disponibile al interrete a
http://www.pes.org
LE VINTI-UN PROMISSAS SOLMENE
1. AGER super le empleos pro le juventutes e gentes impleate pro un longe
tempore;
2. COORDINAR le politica economic pro assecurar crescimento sustenibile e
alte nivellos del empleo;
3. ABBORDAR le exclusion social per modernizar e fortificar le modello social
europee;
4. ASSECURAR que le euro provide crescimento, empleo e stabilitate;
5. COMPLETAR le mercato unic pro stimular excambio commercial e empleo;
6. PROMOVER un Europa de cognoscientia per formation in le habilitates
moderne e le recerca a disveloppar nove technologias;
7. FORTIFICAR le derectos del populo per un Charta Europee e per construer
un Europa del libertate, securitate, justitia, e derectos equal;
8. MELIORAR opportunitates pro juventutes;
9. CREAR le equalitate inter feminas e homines e promover aquelle principio
in tote politicas del UE;
10. LUCTAR contra tote le formas del discrimination e laborar pro integration
succedite per action del UE e action national;
11. ASSECURAR un ambiente salubre per reducer le emissiones de gases de
calefaction global, conservar le biodiversitate, meliorar le securitate
de alimento, fortiar le pollutores a pagar e pressar pro le action a
arrestar le depletion de ressources;
12. CONSERVAR culturas distincte in Europa, promovente le accordo inter
illes e assecurante lor expression libere;
13. ATTACCAR le crimine per augmentar le cooperation in le application del
leges e meliorar le efficacia de Europol e le responsabilitate
democratic;
14. RESPECTAR le principio de subsidiaritate per assecurar le integration
ubicunque necesse e le decentralization ubicunque possibile;
15. CONFRONTAR le defia del globalization per institutiones international
reformate e melior regulation del systema international financial;
16. GUIDAR in le aggrandimento del UE per negotiationes seriose e complete
con respecto al accession de nove statos membros;
17. AUGMENTAR le capacitate e medios europee a impedir conflictos in le
mundo e a responder a crises de securitate;
18. PROSEQUER politicas super le adjuta, investimento commercial, e le
reduction del debito que va reducer le povressa mundial e adjutar a
reducer a medietate le numero de gentes habitante in povressa abjecte
per 2015;
19. MODERNIZAR e reformar le politicas europee pro facer los relevante al
nove seculo.
20. DISVELOPPAR nove fontes del investimento, mantener le disciplina
budgetari, e meliorar le administration financial del UE; e
21. FACER le institutiones del UE plus transparente, efficiente e democratic.
>>>>>>>>>>>>>>>>>>>>>>>>>>
Traducite in Interlingua per Stanley Mulaik pro demonstrar Interlingua como
le lingua europee. Pro informationes super interlingua visita
http://www.interlingua.com, http://www.interlingua.org
|
