d[040215] x[Kiviaho Allan] z[KivA-42Egc]
s[Symbolos graphic, heraldica de interlingua]

[log in to unmask]

----------------------------------------------------------------
Manucci Roberto 040124: Io es un novicio de interlingua. Io ha
traducite mi sito personal in interlingua (www.mannucci.com).
Io desirarea saper si il existe un symbolo graphic o un insignia
pro representar interlingua.
-------------------------------------------------------x--------

Benvenite, Roberto, a nostre societate de
interlinguistas - le gente illuminate!

Il es un damno que interlingua non ha un symbolo
graphic official. Il ha in le net paginas ubi varie
linguas ha su bandieras, esperanto su stella verde,
linguas national le bandieras de lor paises. Sed
interlingua ha nihil ...

Iste cosa es multo, multo difficile. Le jelosia del
humanitate es grande. Hic ragia un de peccatos human:
NIH - Not Invented Here ...!

- - -

Ca. in 1989-1993 interlinguistas presentava plure
conceptos pro le bandiera de interlingua. Sed necuno de
illos era considerate como satisfactori e le Consilio
General abandonava le projecto in 1993.

Panorama (1993 septembre-octobre):5
Nulle insignia de interlingua
NEDERLAND

Le discussion de introducer un special insignia de
interlingua es claudite. Il non habeva un majoritate pro
ulle proposition.

Desde le 10-me Conferentia International de Interlingua
in Svedia ante duo annos interlinguistas ab tote le
mundo ha presentate lor propositiones personal a un
insignia, que debe representar interlingua. Le PANORAMA
ha publicate alcun propositiones, le secretario general
del Union Mundial pro Interlingua (UMI) ha recipite
alteres.

Un votation a vices chaotic durante le conferentia
faceva cader un proposition post le altere, assi que le
secretario general Piet Cleij debeva concluder: "Nos va
abandonar le subjecto." Le Consilio General claudeva le
question. On sentiva que interlingua non besonia un
insignia pro esser promovite.

- - -

Roberto!

Il pare que cata uno debe facer su proprie symbolos.

Re le symbolos mie, reguarda
http://www.interlingua.fi
e
http://www.interlingua.fi/iaband.htm

Le nucleo de mi symbolo "heraldic" pro interlingua es
quadrato diagonal. Illo appare in le picturas del Cave
de Marsoula del era prehistoric. Le ancian signification
de iste symbolo non es cognite. In joco del cartas illo
(quadro) symbolisa corage e energia. In meteorologia
iste symbolo significa temperie clar (interlingua es un
lingua clar) e in chimica sapon (interlingua es un
lingua pur). In le lingua de signos de vagabundos
anglese le quadrato diagonal significa:
"Hic habita gente generose sed comporte te con respecto
e prende nihil como axiomatic!"
.... (Liungman, Carl G. Thought Signs. IOS Press,
.... ISBN 90 5199 197 5. The subtitle: "The semiotics of
.... Symbols---Western non-pictorial Ideograms" ).
In traffico illo symbolisa "via privilegiate" (Un
cognite manual de Esperanto finlandese es "Setälä,
Vilho. Valtatie kielitaitoon - Privilegia vojo". Pro nos
interlinguistas interlingua, non Esperanto, es "Valtatie
kielitaitoon - Via privilegiate a maestrar le linguas").

===================
LE UNION PANEUROPEE
===================

Io es etiam un membro del Union Paneuropee. Illo es in
certe senso un predecessor del Union Europee. Le hymno
e le bandiera del Union Europee son adaptate del Union
Paneuropee (sin cruce de sol de Coudenhove-Kalergi - un
symbolo byzantin que era abandonate per le Union Europee
in respecto a Turchia, un pais islamic, como un eventual
membro veniente).

Reguarda, si il te place:
.... http://www.interlingua.fi/upeu/upiaindx.htm
e
.... http://www.interlingua.fi/upeu/upeu.htm
.... LE SYMBOLOS DE EUROPA E PANEUROPA
e
.... http://www.interlingua.fi/upeu/metamor.htm
Quando tu tocca con mus le bandiera del Union
Paneuropee de Finlandia il occurre le similar
metamorphose como con tu can amiabile in tu pagina in le
net.

Un variation del symbolo del interlingua es le cruce
de interlingua.
.... http://www.interlingua.fi/upeu/metamor.htm
Le cruce de interlingua es un cruce perpetue, un ancian
symbolo del eternitate. Como tal illo es un synonymo de
un circulo. Mesmo iste symbolo ha un quadrato diagonal
como nucleo. un circulo (Liungman, Carl G. Thought
Signs. IOS Press, ISBN 90 5199 197 5. The subtitle: "The
semiotics of Symbols---Western non-pictorial Ideograms")
http://www.symbols.com/about.html

- - -

Con un salute roman

Allan Kiviaho

Interlingua: Aut vincendum aut moriendum!
             Vincemos o morimos!
             In GODe we trust!

=============================================
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FIN-01620 VANTAA. Finlandia
http://www.interlingua.fi
http://www.interlingua.dk/2001.htm
http://www.interlingua.com
Tel. + 358 - (0)9 - 898 720
GSM  + 358 - 050 - 3433 338 (Allan Kiviaho)
GSM  + 358 - 050 - 3616 759 (Brita-Lisa K.)
- - - - - - - - - - - - - - - - - - - - - - -
ePosta - Sähköposti - eMail, clicca:
http://www.interlingua.fi/kiva.htm
=============================================

P.S.

Quando tu senti te in depression (si unquam), tu pote
trovar nove fortias in

http://www.interlingua.fi
Clicca
UMI - Union Mundial pro Interlingua. Organisationes national
. INTERLINGUA IN LE MUNDO
.. Carta del Americas
... Carta de Cuba
.... Bandiera de Cuba
e voilà, tu die es salvate!