Josu Lavin wrote:

> Car amicos,
>
> Qual de iste formas es plus international:?
>
> io canta - io canto

In interlingua il es "io canta". Un del principios de interlingua es que
on non usa inflexiones personal in le verbos. Le ration pro isto es
describite in le intro al IED.

>
> le constitution - la constitution

Secundo le patres de interlingua le plus neutral forma del articulo es
"le" que possibilisa un articulo que non indica sexo grammatic como le
articulo in espaniol o francese. Considera, per favor, le explication
del adjectivos sub iste passage.

>
> le constitution europee - la constitution europea

On pote dicer, si on ama theoretisar que le linguas auxiliar generalisa
tendentias que jam existe in linguas ethnic. In le caso de "europee" nos
pote spectar le espaniol parola "grande", on sembla poter dicer et "un
perro grande" e "una casa grande". Un altere exemplo que le IED dona es
"sancte". In interlingua on generalisa iste tracto a quasi omne
adjectivos que fini in -us o -is in latino.

Per consequente "le constitution europee"

Kjell R

>
> ...
>
> Como on dice in le linguas fontes?
>
> On non deberea prender le formas le plus international?
>
> Amicalmente
>
> Josu Lavin
> ********
>

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================