>Iste anno le
>tempore esseva alique plus frigide, e le congregation commenciava plus
>lentemente. Mais le tempore clarificava se, e il ha certe partes del
>citate bloccate.

Io ha terminate mi historia super Freaknik in mi message previe a causa
de un subite tempesta de tonitro. (Io semper disconnecta mi computator
e modem del lineas electronic e telephonic durante un tempesta de
tonitro pro evitar damno al computator de affluxos de currente de
fulmine siderante le lineas electric o telephonic. Mesmo con le
unitates pro le protection contra le affluxos, illos non es bastante
pro provider protection contra un fulmine que frappa le lineas presso
le casa.)

Iste anno le administration del Citate de Atlanta, que es predominantemente
negro, decideva a esser plus flexibile verso le studentes. Le barricadas
esseva erigite a solmente intersectiones del major stratas in le centro
del citate, a fin que le juvenes in lor automobiles non retardar le
circulation per facer le tornas al stratas lateral. A venerdi io partiva
del campo a Georgia Tech proque de advertimentos que certe stratos esserea
bloccate. Alcun jam esseva bloccate como io duceva presso le campo.
Fortunatemente mi via usual non esseva bloccate, mais quando io veniva a
strata Peachtree (famose) pro transverser lo, il jam habeva multo
automobiles. Temporarimente mi via esseva bloccate per le circulation
super Peachtree, mesmo quando le signales luminose se cambia de rubie a
verde in mi direction. Le circulation de autos esseva tanto congestite
que le automobiles in le intersection non poteva mover se pro liberar le
intersection. Mais post un breve pausa, le intersection esseva liberate,
e post transversar Peachtree, il habeva necun altere problems de circulation.
Mais secundo le radiodiffusion hodie le centro del citate de Atlanta esseva
plen de automobiles e congestion de circulation de autos.  Mais hodie io
vadeva a mi libreria favorite, un grande magazine de milles de libros, que
es al strata Peachtree, mais aliquanto distante del centro del Citate ubi
le Freaknik occurre. Io habeva necun problemas del circulation. Assi il
pare que le festiva es localisate.

Le termino "Freaknik" veni del anglese "freak" (monstro), de que il ha
le phraso "to freak out" que es a comportar se como un monstro erratic
e maniac.  Le -nik es un suffixo del russe, que prestava se al anglese
in connection con le parola "sputnik", significante un companion de
viagia in russe, in iste caso referente al satellite lanceate per le
russe in le 1960s.  Le -nik suffixo io opina (Kjell?) es un diminuitivo
pro le un qui .... e il ha iste senso prestate al anglese.  Assi on
deveni un freaknik, e le feria o festivo, es FREAKNIK.

Io debe indicar que in le Statos Unite il ha necun collegias de negros
public.  Toto es private.  Atlanta ha duo le plus famose, Moorehouse
(pro homines) e Spellman (pro feminas, recipiente le nomine del sposa de
John D. Rockfeller, io crede, qui ha fundate le collegia pro negros
feminine.)

E a iste die io es felice a notar que le Atlanta Braves (le equippa
de baseball) ha vincite super le Denver Rockies 8-7, post vincer le
die ante 14-0. Il es difficile a describer un joco de baseball, ben que
isto es un passion American, que ha transferite se al paises in le
Carribean e Mexico, e a japon. Le Atlanta Braves es le melio in lor
liga, e isto anno io opina que illes possibilemente va vincer de novo.

Io audi un altere tonitro.

Bon nocte!

Stan Mulaik