Car amicos,

Io vole adder alcun punctos a mi message de heri:

5. Le planate dictionario non deberea haber le titulo "New IED". Io opina
que le IED existente resta le base de interlingua, sin cambios!. Le nove
dictionario essera un in le serie de dictionarios de interlingua.

6. Io ha facite un calculation del costos pro le dictionario in forma de
libro de papiro.

A. Il ha le costos pro facer circa 600 folios matre. Iste costos pro papiro
e impression per medio de imprimitor laser essera 55 euros.

B. Io me imagina un impression per photocopiation, simile al existente
Dictionario Interlingua-Nederlandese.
Alora nos habera un obra de circa 600 paginas in duo volumines in le
formato A4 con dorsos anellate de plastico. Le texto essera in tres
columnas. Le copertura essera in color con folios de plastico transparente.
Si nos comencia a facer un edition de 30 exemplares, le production de un
sol exemplar costara circa 23 euros.
Tote le capital que debe esser investite in le production de 30 exemplares,
essera dunque: 55 + 30x23 = 745 euros. Io ipse es preste a avantiar tote
iste summa.
Si necessari, on pote usar de novo le folios matre pro facer nove
exemplares del dictionario. On pote adder alora un folio con correctiones.
Si le numero de correctiones es troppo grande, io prefererea facer nove
folios matre. Costos: 55 euros.

Salutes amical de
Piet Cleij