Jan Armann scribeva:

> Io ha participate in un altere gruppo pro discussion in Internet. In
> iste gruppo messages como "You are a jackass, Steve" e similar esseva
> mandate a tote membros. Tosto le gruppa esseva inundate de tal postas.
> Io me senti obligate unsubscriber.
>
> Io naturalmente non desira limitar le discussion libere ma io non desira
> tal chaos in nostre lista. Adressar se a "to whom it may concern" es un
> regula favorabile.
> Jan

Le interrete es un fortia potente in nostre mundo.  Ma, como omne
fortias,
il pote esser usate per individuos positivemente o negativemente.
Personas
pote participar in discussiones sin esser physicamente presente.  Illes
pote
mantener un distantia inter se e lor "interlocutores" e pote remaner
assatis
anonyme.  Como nos vide troppo sovente sur le stratas, quando personas
se
crede anonyme, alicunos se permitte comportamentos (communicationes
digital :-))
impolite.

Nos vide le mesme cosa sur le interrete.  Io non sape le statisticas
super le
numero de individuos impolite o sur le numero de individuos qui son
psychologicamente
vermente disturbate in le populationes del mundo.  Ma, quando nos
comencia participar
in le interrete, il es certitude que nos los incontrara.  Io es semper
multo
grate a vos--omne membros de INTERLNG--pro vostre intelligentia e bon
character.

Como magister-lista io participe in un altere gruppo de correspondentia
ubi magisteres
de altere listas mantenite per St. John's University excambia
experientias e problemas.
Io poterea vos contar historias!  Nostre servitor-lista in St. John's es
un servicio
principalmente offerite al listas que tracta cosas medical o
psychological.  Il ha
personas vermente difficile qui semper inquieta lor coparticipantes e
qui face menacias!

Hic es mi recepto quando nos incontra tal comportamento sur le
interrete: respira
lentemente e profundamente, conta a dece, e preme con satisfaction le
button
"DELETION"...

-- frank