Le BBC diceva que Oriana Fallaci apparera
in corte italian pro defender le accusationes
que illa defamava e insultava le Islam.

Un corte italian dice que Sra. Fallaci debe
apparer in corte a causa de affirmationes 
que illa faceva contra le Islam in su libro
Le Fortia de Ration. Le Union Muslim de
Italia constata que iste libro es defamatori 
e insultante.

Le Sra. Fallaci causava grande comotion
con su previe libro titulate Le Rabia e le
Orgulio, publicate duo septimanas depois
le attaccos terroristic de 9/11. In illo illa
diceva que le cultura Occidental es superior
a illo del Islam e que le immigrantes muslim
in le occidente se "multiplica como rattos".
Le advocatos de illa defendeva su derecto
a exprimer opiniones controversial.

Iste ultime libro per Sra. Fallaci, Le Fortia
de Ration, esseva imprimite vinti-quatro 
horas depois le attaccos terroristic de
11 de martio 2004 in Espania. In illo 
illa discute que Europa se torna in un
"provincia islamic, un colonia islamic"
e que "creder que un bon islam e un
mal islam existe vade contra le ration".

Le preliminari judice investigative 
Armando Grasso ordinava le formulation 
de cargos contra le autor, dicente que le
iste nove libro contineva expressiones que
esseva "inequivocalmente offensive a Islam".

Adel Smith, presidente del Union Muslim de 
Italia, proponeva le cargos contra le autor le
8 April 2004. Ille dice que Sra. Fallaci ha 
advocate e promovite odio contra Islam e
le muslims, alcun vices per le distortion de
factos historic e altere vices per fabricationes
non factual.

Le caso venira al corte in le citate de Bergamo
in le nord de Italia, ubi le libro esseva publicate.
Nunc le prosecution ha dece dies pro formalisar
le cargos contra illa. Le Sra. Fallaci, qui vive in
New York luctava in le Resistentia in le Secunde
Guerra Mundial e travaliava in le passato como
un reportero correspondente in altere guerras.

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================