Ante alcun annos le administration del area
domestic ubi ego vive decideva substituer le
depositorios de  immunditias per si appellate
"cabanas ambiental". Isto es micre domettos in le
qual sta le barillos de immunditias e on pote
jectar varie typos de immunditias in varie
bariles. "Le cabana abiental" o forsan melio
"Ecocabana" se appella "Miljöstuga" in svedese
(como un incoragiamento a vos qui ha alcun
sapientia de scandinavo.

Un altere exemplo del neoparlo svedese es le
parola _toilettes canil_.

Ego idiota, credeva, a prime vice audiente iste
parola que isto significa un loco special ubi le
can pote facer su "deberes del natura", sed in
effecto isto es un depositorio pro fecalios canil,
que le prudente possessor del can collige in un
micre sacchetto plastic, le qual ille postea
depone in le depositorio. Iste depositorio es in
torno un plus grande sacchetto de plastico que le
"communa" pone ibi et postea, quando plen, depone
alterubi (alibi).

Mi vicino (ille habita in le mesme area de domos
como ego) narrava que alcun
juvenos habeva, in stato ebriate, evacuate alcun
"toilette canil" e circumjectate
le sacchettos de fecalios in le ambiente. Le
vicino habeva essite irate e per
proprie medios construeva un quadrato de cemento
que ille ha usate pro
fortificar le "toilette" assi que illo essera
multo difficile a mover! Ille non voleva
attender le prension de mesuras del communa
(municipio forsan es un optime
parola) pro arreglar le cosa.

Sperante que iste palide reflexion del vita in mi
parte del mundo pote interessar vos.

Neoparlantemente