Salutes Kjell
Io legeva con grande gaudio tu message super le Conferentia Nordic. Il es
con grande interesse etiam que io essayava imaginar un conferentia ubi toto
persona parla in Interlingua. Mi amica Mindy e io nunc face un essayo de
parlar Interlingua como nos parla in anglese. Nos debe pensar trop e no
trova le fluentia necessarie pro expressar nostre pensamentos. Nos ambe
studiava espaniol e io time nostre accento esserea influentiate per nostre
studio de ille lingua. Io audiva a Thomas in le Radio Interlingua. Ille ha
un voce multe sexy. Io ama su accento, mais io no vole imaginar trop proque
io sape ille ha un sposa que ille ama. Hah hah. io no es un de ille sorte de
feminas que ama facer problemas. No! Io alsi pensa le accento de Acsinte e
Florin al Radio esseva multe interessante. Illo pare tanto al espaniol. Como
trovava tu parlar in Interlingua solmente? Es illo facile pro te?

Io amarea poter audir cantos in Interlingua. Es que alicun de vos poterea
cantar e poner le musica in formato discargabile in le interrete como .ra
.ram .wav .au .mp3 etc. Io amarea audir vostre voces. E forsan illo nos
inspirara a Mindy e a mi a facer un recordation nostre :)

Io ama multe jocar con parolas e letteras. Scrabble es un de mi favorite
jocos. Rompecapites, Crucigrammas etc. Hodie io passa le nocte in le casa de
Mindy. Nos forsan no va dormir le toto nocte. Nos parlara de cosas (in
principal del juvene masculos que nos cognoce :) e forsan de alicun que nos
volerea cognocer :))) Nos jocara alicun jocos como nos face in tempores
previe. Mindy es un bon amica e illa es multe intelligente etiam, illa es
melior que io in le jocos de letteras e in Trivial Pursuit. (That Mindy!)
Hah hah! E plus belle que io in su figura. Su abdomine es Olympic! Illa face
multo "situps". Nos va exercitar nos iste nocte con un rutina que illa
inventava pro mantener se in forma. Illa sempre se plange de su derriere que
illa dice es trop grande. Hah hah, io insenia isto message a Mindy... Illa
dice no dice isto... E io nunc da le claviero del computatora a illa pro un
message... Hic Mindy:

Salute, Io no pote creder Alyssa dice isto. Su derriere es tanto grande como
le mi. :-))) Mais Jennifer Lopez habe un derriere plus grande que nos habe.
:-)))

Hah hah! Hic 'Lyssa de retorno. Mindy e io va al filme The Cell de Jennifer
Lopez. Io no crede que illa ha un derriere tanto grande. E Mindy no ha un
derriere mal. Illa se plange mais sin ration.
E io crede que Jennifer Lopez es multo multo belle. Mais The Cell es multo
disconcertante e no un filme pro personas sensitive.

Pote vos in le altere paises vider le mesme filmes que in le Staos Unite de
America? Es que le filmes american es inseniate in le estraniero al mesme
tempore? Alicun vices io sape que nos ha un filme hic in le Statos que
esseva jam famose in Europa. Como per examplo le filme "Life is beautiful"
illo debe esser un de mi filmes favorite nunc post haber vidite illo in le
cinema. Mais illo esseva multo triste, etiam multo altiante de spirito.

Kjell, tu parlava de un organization in le paises Nordic e io pensa que illo
esserea fantastic haber un conferentia in  America. Vos es invitate, claro.
:)

Nunc Mindy e io va terminar con le coputatora e jocar un joco :)
Adeo dice illa.

Ciao e un basio dice io
'Lyssa SxJm


>From: Kjell Rehnström <[log in to unmask]>
>Reply-To: [log in to unmask]
>To: [log in to unmask]
>Subject: Conferentia Nordic al Collegio Popular de Lsftadalen
>Date: Tue, 1 Aug 2000 07:07:41 +0200
>
>A Löftadalen, un collegio popular, ego le
>semiseptimana passate ha participate como un del
>instructores pro cursos de interlingua.
>
>Barbara (qui a vices scribe in iste lista) era le
>instructor del stadio intermediari et ego era un
>specie de instructor supportative. Durante duo
>plen dies nos practicava le frases e
>constructiones de interlingua.
>
>Le lectiones era interrumpite per pausas durante
>le qual nos gaudeva del culina del schola. (Le
>collegios popular sempre ha un multo bon culina, e
>al mesme tempore que on absorba cognoscentia
>multes anque absorba peso.)
>
>Post le duo dies de apprension nostre studentes
>habeva ganiate un considerabile certitude in
>parlar Interlingua. Totes era active tote le
>tempore. Nulle prelectiones del instructores. Le
>studiantes parlava.
>
>Le tempore gradualemente faceva melior, desde
>pluvia le prime die illo vadeva a belle tempore
>con un poco de sol que deveniva le ultime duo dies
>sol sin un sol nube sur le celo, un sensation
>durante iste estate.
>
>Anque in le curso participava personas del varie
>paises nordic + Nederland. Le plus avantiate curso
>era ducite per Simona S,unel de Romania, qui con
>su sposo Florin anque participava le conferentia.
>
>Pro le conferentia veniva le daneses, quasi omnes
>cognoscite in le lista <interlng>. In le
>conferentia Nordic
>nos discuteva le actiones que nos poterea facer
>insimul. Plus de isto in un futur message.
>
>Le Societate Svedese pro Interlingua habeva su
>session annual con election de functionarios
>(directorato/consilio, revisores/auditores) etc.
>Nos nunc ha un nove consilio con le sequente
>aspecto:
>Barbara Rubinstein
>Jan Årmann
>Jesper Olsson
>Ingvar Stenström
>Georghe Petrineanu
>
>Le directorato va constituer se internemente e
>decider le cargas que cata uno va assumer.
>
>Pro nos altere membros lo plus interessante es
>naturalmente le information que le il desde le
>anno proxime costara 120 SEK/annualmente pro esser
>membro del Societate Svedese pro Interlingua.
>
>Al Collegio de Löftadalen on pote viver in parve
>domettos con tres o quatro cameras o in le
>edificio principal, le "Castello Blanc" como ego
>lo volerea appellar.
>
>Le salas pro le cursos e le sessiones del uniones
>era spaciose et ben equipate.
>
>Le medios reportava del conferentia multo
>satisfactorimente (in mi opinion). Le Television
>regional habeva un curte mention del conferentia,
>con intervista de Ingvar Stenström et le reportero
>finiva ipse in interlingua, dirigente le programma
>retro al studio.
>
>Le jornal regional Hallandsposten habeva duo ample
>articulos in re le conferentia.
>
>Le vesperes nos passava cantante cantos - in
>interlingua - naturalmente. Il ha traductiones de
>varie cantos danese et svedese. Permitte le autor
>de iste lineas nominar Barbara et Thomas le
>campiones de organisatores; Thomas organisava le
>cantar et Barbara le ludos, que amusava le
>participantes multo. Nos faceva un specie de
>"parolas cruciate" vivente, ubi nos participantes
>manipulava cata un su gruppo de litteras et on
>debeva formar certe parolas per iste litteras.
>
>Iste gaudificationes nos exequeva in le aere
>libere. Un cosa sensational si on considera le
>tempore pluviose que il ha facite le estate passate.
>
>Retornate tardo in le vespere - pro inadvertentias
>in le communication ferroviari - ego constatava
>que il ha nihil in le refrigerator et ego debeva
>facer un rapide expedition comprative pro
>completar le stoco de comestibiles in le plus
>vicin boteca de viveres.
>
>Quando ego aperiva mi arca postal in le computator
>il habeva 114 messages!
>
>Le Conferentia Nordic de Interlingua era certo in
>inspirante evenimento, et ego suppone que nos pote
>omnes con plus grande inspiration ager pro
>includir plus de personas in le circulo de
>usatores de interlingua.
>
>Un nota lateral: Ben que il ha in un senso un
>communitate lingual inter Svedia, Danmark et
>Norvegia, le resto del paises nordic usa anque
>altere linguas. Nos Svedeses pote haber problemas
>comprender le daneses, ben que nos deveni plus et
>plus habile in isto, ma finnos et Islandeses non
>pote usar lor proprie linguas
>in le contactos internordic.
>
>Isto es le prime vice que nos in un conferentia
>nordic ha habite paticipantes con altere linguas
>quam danese, norvegese et svedese, et il era
>natural usar interlingua in le contactos, lo que -
>in mi opinion - functionava excellentemente.
>Usante interlingua in
>omne discussiones nos trovava un multo plus
>efficace communication. Nos omnes stava sur un
>planu equal. Foras era le si nominate "esperanto
>polar" (que es le svedese!!!!!). Nos parlava omnes
>le idioma neutral, Interlingua, equalmente facile
>pro omnes.
>
>Un idea pro le Union del Nord (Föreningen Norden)
>forsan...
>
>In toto ego senti plus de entusiasmo divulgar
>interlingua post iste conferentia. Per mi parolas
>ego ha solmente potite dar un debile eco del
>fantastic conferentia con un multitude de burlas e
>risos et interessante incontros interhuman.
>
>Entusiasticamente

________________________________________________________________________
Get Your Private, Free E-mail from MSN Hotmail at http://www.hotmail.com