YUGOSLAVIA, SVEDIA, FINLANDIA E RUSSIA TRUNCATE

Re: [REHK - 970405-1352 Tsiganos e viagiatores]

Pronunciation e litteras finnese
--------------------------------
A" a" = a umlaut como a  in and
a"a   = duple a umlaut (a"a" - aeae)
O" o" = o umlaut como ir in first (ma curte)
Y  y  =          como u  in ecu

Kjell Rehnstro"m ha scripte:

                          [Kjell]
... ex-Yugoslavia (lo que le finnos in latino si
majestaticamente appella Jugoslavia Truncata - il sonaa
quasi triumfatori ...)

                          [Allan]
Car Kjell, tu ha stampate un digito dolorose de finnos!
Non solmente in latino ma anque in finnese le Television, Radio e pressa
finlandese sempre parla super 'TYNKA"-JUGOSLAVIA' (Yugoslavia truncate).
Le expression in le svedeseparlante media de Finlandia es multo plus
belle: 'Rest-Jugoslavien'. 'Tynka"' es trunc in finnese ma,
additionalmente, ha un nuance e.g. de un gamba amputate que es nondum
complemente sanate - forsan non tanto mal expression, nonne?

'TYNKA"-JUGOSLAVIA' multo me irrita, proque io es inter le cosas altere
un amico fanatic del musica popular (folklore) de ex-Yugoslavia,
particularmente lo de Serbia. Io e mi sposa es anque membros del
Societate Finlandia-Yugoslavia.

Le motivo a facer nos membros del illo societate era que nos voleva
dansar dansas popular de Yugoslavia, il era in Finlandia un multo bon
inseniante de dansas popular, senior Wim van der Kooij, un hollandese,
que inseniava nos.

Nostre gruppo de amateures finlandese representava e.g al partitas natal
del ambassada de Yugoslavia in Helsinki.

Le plus famose membro de isto societate era general Va"ino" Valve. Ille
era le commandante del marina de guerra finlandese durante 1928--1946,
que duceva le marina de guerra e le defensa litoral durante 1939--44
contra le Union Sovietic e 1944--45 contra Germania. Ille era anque le
ultime CHASSATOR (Ja"aka"ri, ja"gare, Ja"ger, chasseur) de Finlandia,
que moriva desde duo annos habente quasi 100 annos. In Finlandia LE
chassatores significa le veteranos del 27me Battalion de Chassatores
Regal de Prussia (Das 27. ko"nigliche preussische Ja"ger-Bataillon), que
consisteva de voluntarios finlandese e combatteva in le armea de
Germania contra le russos in Latvia in 1917.

Retro in Finlandia le chassatores jocava un ultime parte in le Guerra de
Liberation in 1918. In nostre guerras destinante 1939--45 un grande
parte del generales e colonellos del armea finlandese era
ex-chassatores.

Nos anque participava soirées del yugoslavos in 1983--5 in Zurico
(Zu"rich) quando nos habitava in Helvetia e in mi sol operation (pauc) e
le chirurgo (Dr. Markovic') e le anesthetista era serbes.

----------------
TYNKA"-SUOMI ...
----------------
Forsan le media finlandese vole appellar Serbia-Montenegro
'Tynka"-Jugoslavia' proque nos finlandese suffre del complexo de esser
anque un 'TYNKA"'. Ben que Finlandia era le sol alliato de Germania in
le secunde guerra mondial, que non era occupate e le sol pais que
arrestava un COLPO STRATEGIC DEL ARMEA SOVIETIC in 1944 (Numero 4 in le
historia official del Union Sovietic/Russia), on non pote mantener que
Finlandia esserea habite vincite le guerra. Como consequentia Finlandia
era fortiate ceder alicun 10 % del su territorio al Union Sovietic.
Forsan Russia jammais retornara los. Proque nos vole ha un pauc
consolation de cognoscentia que il ha anque altere TYNKA"s in le mundo,
cameradas de destino, como:

-------------------------------
TYNKA"-RUOTSI - SVEDIA TRUNCATE
-------------------------------
Svedia e anque un pais gravemente truncate, MULTO minor que e.g. in
1648, post le guerra de 30 annos.

---------------------------------
TYNKA"-VENA"JA" - RUSSIA TRUNCATE
---------------------------------
Multo, multo truncate es Russia. Armenia, Azerbaidjan, Belarus (?),
Estonia, Finlandia (desde 1918), Georgia, Kazakstan, Kyrgyzistan,
Latvia, Moldova, Polonia (desde 1920), Tadjikistan, Tchetzenistan
(forsan), Turkmenistan, Ukraina, Uzbekistan, los omnes existe solmente
in memorias de alicun chauvinistic russo.

E le multo potente Germania, etiam illo es truncate
(Tynka"-Saksa).

Illo littera es anque tynka" - per fortia del manco de tempore.

Tynka"-terveisin (con salutes truncate)

TYNKA"-ALLAN

(Allan Truncate - intelligentialmente)

Allan Kiviaho
Finlandia

[log in to unmask]