André Martinet, professor del Universitate de Sorbonne in Paris e
penultime chef del labores de interlingua in le International Auxiliary
Language Association, acceptava ante circa un anno devenir associato
distinguite del Union Mundial pro Interlingua. Isto esseva naturalmente
un honor a interlingua.

Alix Potet, Jean-Pierre Elloy e Madeleine Mahé ab le Union
Interlinguiste de France faceva un interview con André Martinet,
publicate in Panorama ante circa un anno. In le interview André Martinet
reporta de su labor in IALA e conclude que le interlingua que ille vide
hodie, es quasi como ille lo haberea developpate, si non ille abandonava
le organisation de IALA pro un empleo universitari durante iste
processo.

Con mi optime salutes
Thomas Breinstrup