Nulle sperantia de pace post conversationes in Bonn

Traduction de un articulo in Upsala Nya Tidning que vos pote acceder per le
rete al url http://www.unt.se. Hoppet släckt....

Per TT
Le alliantia militar ampliava su bombardamento de Yugoslavia durante le
periodo de 24 horas de martedi durante que datos del provincia de Kosovo de
un imminente genocidio a albaneses deveniva ancora plus alarmante. Le
sperantia de pace semblava ha essite destruite postque le premier russe
Jevgenij Primakov habeva presentite su proposition pro un solution pacific.

Malgrado que Nato, die post die, ha intensificate le bombardamento aeree
desde le comentiamento de illos al mercuridi passate, le resultato sembla
disincoragiante. Le regime de Miloshevich e su apparato de violentia de
illo quasi non ha essite movite. Al contrario secundo le plus de
indicationes il jam occurre un  genocidio o que un genocidio es imminente
in Kosovo.

On accusa fortias armate yugoslave o serbe de massacros e expulsiones, e on
dice que le capital del provincia, Prishtina/Prishtinë, ha essite
incirculate.
Fontes albanese de kosovo e le radiostation B92 allega que le districtos
albanese del urbe Prishtina/Prishtinë es incendite. Le Aliantia militar
faceva nove attaccos aeree e in le quartiera supreme on intendeva discuter
le question del phase tres, que es ancora plus intensive bombardamento de
tote le Yugoslavia.

Bombardamento tote die e nocte
A martedi vespere le alarma aeree de novo sonava in Yugoslavia e ancora
plus de aviones disterrava del bases de Nato. On informava de Nato que le
bombardamentos nunc occurre tote le die e nocte. Durante iste tempore le
fluxo de refugiatos verso le paises vicin, Albania e Makedonia, se augmenta.

Malgrado persistente admonitiones, particularmente de albaneses de Kosovo,
que Nato debe intervenir per unitates terrestre, Nato non sembla haber
prestate attention a iste exigentia.
Le prime ministro de Russia, Jevgenij Primakov arrivava a Belgrado juncte
con le ministro externe Igor Ivanov e le ministro de defensa Igor Sergejev
et expertos de intelligentia. Post le incontro, que era plus longe que
expectate, Primakov continuava viagante a Bonn pro incontrar se con le
cancellero federal de Germania Gerhard Schröder pro informar de que on
habeva discutite in Belgrado. Primakov suggereva un poco de sperantia, sed
post le incontro con Schröder il era evidente que Nato rejecta su
proposition de pace e le bombardamentos continua.

Traduction Kjell Rehnström


Iste material es indendite solmente pro studios e le apprender de
interlingua e non pote o debe esser usate in un altere maniera.

Detta material är endast avsett för studier och undervisning i interlingua
och får inte användas för andra ändamål.

[log in to unmask]
Kjell Rehnström
Vänortsgatan 87
752 64  UPPSALA
Tel. 018-50 22 35