Le sequente es un traduction de un parve historio que pareva in cinque
linguas in le parve periodico "Quinto Lingo", editionate in 1964. Io ha
trovate iste jornaletto in mi cosas interlingual:

Le Asinos

Milliones de personas cata anno considera e realisa le possibilitate
de acquirer un can, un catto, e mesmo un serpente como animal domestic.
Mais quanto personas intrepide osarea de comprar un asino? Lo facerea vos?

Malgrado     lor habitos bizarre e appetito estranie, le veritate es que le
asinos face bon animales domestic. Illos son multo forte, incredibilemente
resistente, e, al contrario del credentia popular, multo intelligente.
Prodiga un pauco del amor a un asino, e subito vos ha un animal que seque
vos ardorosemente, como un can, joca con vos, e vos monstra sincere
affection.

Non pensa, nonobstante, que un asino essera un animal tanto obediente como
un can ben instruite. Illos es date de un forte voluntate, un grande
feritate, e un vasta reserva del obstination. Vos non possede un asino
100%. Vos apprende a co-exister con illo super terminos equal.



Illo va studiar attentivemente vostre commandos, dante le debite
consideriation al pro e al contra. Mais le factores que governa su
decision final es su proprie judicamento e voluntate. Il frequentemente
occure que le curso del action sequite per le asino es precisemente
le reverso de lo que on desira.

Non considera isto como stupiditate simple. Pois le factores governante
ssc decisiones, es le judicamento personal, e lor volantate. Pois como
un articulo indica in le English Digest, "Si isto es stupiditate,
alora le feminas intelligente es pauc e distante inter se.

Traducite per Stan Mulaik