Le developpamento del socialismo:

Con le syndicatos de obreros, le ideologias pro
reorganisar le societate industrial cresceva.  Le
currente le plus importante del socialismo europee
habeva su inspiration in le doctrina de Karl Marx,
qui, conjunctemente con Friedrich Engels, publicava
in 1848 le Manifesto communiste, que exhortava le
obreros de Europa assi: "Proletarios de omne le
mundo uni vos".

In su forma de democracia social, le marxismo deveniva
bastante forte pro eliger un solide numero de
representantes al parlamentos principal europee:
20% in Germania, 25% in Norvega, 20% in Belgio,
e 15% in Francia.  In Anglaterra le partito laboriste
obtineva in 1910 42% del votos popular.

In Russia le partito social democrate, fundate in
1898, se divideva in sectores menchevic e bolchevic
(1903).  In 1905 le bolchevicos fomentava un rebellion
que, conjunctemente con le guerra russojaponese,
debilitava le governamento czariste.  In 1917 illes
establiva in Russia le prime regime socialiste del
mundo.

Le anarchismo, un movimento plus radical, voleva
eliminar omne organisationes authoritari, includente
governamentos de ulle forma.  Su partisanos habeva
lor major influentia in Russia, Francia, Italia,
e Espania.  Le anarchistas fomentava unes attaccos
violente de transcendentia historic in le prime
decennios del seculo XX.

(Ex "Interlingua in Interlingua", [curso], Capitulo
X <http://www.geocities.com.hkyson>))

---

Along with labor unions came growing numbers of
ideologies for reorganizing industrial society.
The most important current in European socialism
was inspired by the work of Karl Marx, who, along
with Friedrich Engles, published in 1848 the Communist
Manifesto, which urged European workers on with
the statement "Proletarians of the world unite."


In its form of social democracy, Marxism became
strong enough to elect a solid number of
representatives to the principal European parliaments:
20% in Germany, 25% in Norway, 20% in Belgium, and
15% in France.  In England the Labor party captured
42% of the popular vote in 1910.

In Russia the social democratic party, founded in
1898, split into menshevik and bolshevik factions
(1903).  In 1905 the bolsheviks fomented a rebellion
which, together with the Russo-Japanese War, weakened
the czarist government.  In 1917 they established
in Russia the first socialist regime in the world.

Anarchism, a more radical movement, wanted to
eliminate
all authoritarian organizations, including governments
in any form.  Its partisans had their greatest
influence in Russia, France, Italy, and Spain.
The anarchists fomented some historically important
violent attacks in the first decades of the twentieth
century.

..............................

Como promover usar le Rete e su ressources
bibliographic public pro incoragiar le uso expandite
de interlingua:

Le dialogos e exercitios de mi curso de conversation
<http://conversationininterlinuga.blogspot.com> es un
ressource bibliographic public como "Interlingua
in interlingua" <http://www.geocities.com/hkyson>
e le textos in interlingua de Wikipedia.

Imitante le philosophia de Wikipedia sur le uso
de ressources bibliographic public, vos pote rediger
iste textos como vos vole, forsan combinante los
con altere simile ressources, pro publication
ubicunque in le Rete.

Un maniera excellente de apprender interlingua
vermente ben es compilar vostre proprie anthologia ex
su ressources public, scriber vostre proprie
presentation del grammatica de interlingua, e publicar
vostre effortios in le Rete pro le uso de alteres.

---

Si vos es un studente del anglese, io spera que
le textos in interlingua e anglese que io presenta
in iste sito vos adjuvara in vostre studios.  Vos
anque pote adjuvar studentes de vostre lingua native
si vos presenta simile textos bilingue in iste sito.

Vos anque pote imprimer textos in un tertie lingua,
preparar un version de illos in interlingua, e
finalmente preparar un version de illos in vostre
lingua native.

Tal presentationes demonstra fortemente le avantages
de interlingua como lingua ponte e presentara
ressources multo utile pro studentes del prime lingua
de tal textos trilingue e de vostre lingua native.

__________________________________
Do you Yahoo!?
Free Pop-Up Blocker - Get it now
http://companion.yahoo.com/