Stan quereva:
>  In Svedia es le monarcha un position "administrative". Qual ordines pote
>le monarcha dar al prime ministero.  Pote le monarcha dicta un lege?
>O es le leges create per le parlamento in le nomine del monarcha?  Pote
>le monarcha poner su veto a un lege?
>
>Stan

On pote responder No a omne questiones. In detalio illo aspecta assi:
Secundo le vetere constitution desde 1809 a 1972 (io non es certe del
ultime dato) le rege era formalmente le capite de stato. Ille seligeva le
prime ministro (qui in svedia se appella ministro de stato*). Post le
electiones omne le lideres del partitos vadeva al rege e dava su
suggestiones de un governamento. Poste le rege approbava le governamento.
Isto era sub le ultime reges:
Gustav V (1907 -1950)
Gustav VI (1950 - 1972)

Con le accesso del trono de Carl XVI Gustav (1972 -) on etiam cambiava le
constitution in iste maniera que le preses del parlamento (le persona qui
functiona como le presidente de sessiones del parlamento e quide le
assembleos plenari, le "parlator" del parlamento al presente seniora
Birgitta Dahl (de Uppsala e socialdemocrate*).

(* Io era multo stupefacte quando io notava que interlingua ha _-democrate
e non -democrata lo que plus corresponde a mi senso pro interlingua - mi
senso "intestinal" (mi gut feeling). ;-)

Isto significa que le rege al presente pleni functiones decorative e
symbolic. Ille inaugura nove fabricas e altere edificationes public,
representa le pais in varie situationes e es le objecto del amor del
populo, un generator de notitias pro le pressa popular etc.

Le presente rege non ha generate grande scandalos sed es un amabile e
honeste rege qui vive con su familia del regina Silvia e tres infantes (io
crede). Herede del throno svedese es le filia senior, Viktoria (forsan
Victoria). Le regina Silvia ha significate multo pro popularisar le rege.

Le familia o casa del presente rege es le familia del Bernadottes, qui
veniva del urbe Pau in Francia sud. Le prime Jean-Baptiste Bernadotte
veniva de un familia de advocatos. Ille era general sub Napoleon Bonaparte
e - si io me non equivoca - transpreniva le Princessa Désirée de iste ipse
Napoléon... Il era un del plus habile generales sub Napoléon e deveniva
duce de Pontecorvo in Italia, lo que possibilitava su acceder al trono
svedese.







Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden