Salute!
Heri io ha inviate un message que non ha essite recipite del membros. Io
habeva un collapso in mi computator e ha perdite mi copia. Pro que io
nunc vole recapitular ex mi memoria lo que io ha scribite:

Car Chris e Ensjo!

Io ha errate. Io pete vos sinceremente e humilemente de pardon de mi
message sarcastic super un message de Chris. Io ha usate le parola 'So
what!'. Mi intention non esseva mal. Io sape que nos totes vive in
culturas differente e que nos semper debe pensar a respecto e politessa.
Ma io ha errate e io vole tentar esser plus caute in le futuro.

Mi reaction depende de mi conception que le intresse de familias royal
es multo exaggerate. Quasi un hysteria. Io crede que le britannicos ha
un tal inclination. Io non pote comprender que homines  pote star in le
stratas e plorar in massa, como in London durante le funerales del
princessa. Il ha le mesme phenomeno in dictaturas. Forsan per commandos.
Nos nos rememora quando "le amate guida" Kim Il Sung ha morite. Le
mesme. Nos ha lo trovate ridiculose - e tragic. Io spera que le
psychologos pote explicar iste phenomeno que es me multo estranie.

Io es tentate contar alcun experientias personal.

Como un studente forestal, io con altere studentes del universitate,
esseva invitate al palatio royal in Stockholm pro dancar con le
princessa Margareta e su amicas. Illa es le soror de nostre rege
presente. Io habeva anque un curte discussion con le granpatre que in
iste tempore esseva le rege. Le vespere esseva multo agradabile. Io es
tentate a de novo dicer So what. Io non ha trovate un ration a
fanfaronar iste evenimento. Ma probabilemente plures esseva invidiose a
me.

Svedia es un monarchia desde longe tempores. Le familia royal presente
es homines multo sympathic e illes face un bon labor pro representar
nostre pais. Nos pote esser grate que illes VOLE facer iste labor. In mi
vista, monarchia es un systema principialmente false. Que es a dicer e
facer quando le hereditor del throno es un idiota? Io anque pensa al
belle dama, le princessa Victoria qui va hereditar le throno, qui desde
longe ha su education concentrate a iste carga. Illa non ha
possibilitates a viver como altere juvene damas, incontrar juvene viros,
imbraciar e basiar. Qui vole esser princessa Victoria?

Car Chris e Ensjo, io spera que vos ha comprendite mi reaction e que mi
peter de pardono es acceptate. Como Chris, io anque vole dicer: Vamos
non exaggerar iste thema!

Amicalmente

Jan

--
Jan Armann
Fagelstigen 21; S-904 21 UMEA, Sverige (Sweden)
Tel & Fax +46 (0)90771525; e-mail:
[log in to unmask];
[log in to unmask];
[log in to unmask];
ICQ - UIN nr:785745;
http://www.algonet.se/~armann
http://www.interlingua.com