Car amicos/as

Benvenite a Martijn. Tu message a rumpite un "sicchitate" de duo dies sin e-posta in Interlingua. Tunc, gratias duo vices.

Martijn ha relevate un affaire multo importante:

"Esperanto in se appare esser functional nonobstante, pois que le
movimento esperantista appare esser ancora multo plus grande que le
nostre (si lor presentias respective sur le Web es alcun indication).
Ben que io ha grandissime respecto pro su conductores, io lo trova
difficile de evitar le impression que le movimento interlinguista
forsan ha un problema de 'public relations'."

Ecce alcun pensatas re nostre relationes public:

Esperanto ha su gruppo de novitates "soc.culture.esperanto" que nos non pote realisar in iste momento. Nonobstante Il resta plus difficile trovar le listas postal plus active de Interlingua in le Tela que cellos de Ido. Io ha tentate de trovar le detalios re iste lista in le sito de UMI ante duo septimanas e habeva difficultates. Un interessato re linguas planificate auxiliar pote, al altere latere, trovar un manata de listas in le quales on usa ido, multo rapido a www.egroups.com - le plus grande e le plus ben cognoscite sito de listas e-postal.

Forsan pro attraher plus de "traffico passante" nos deberea considerar un transferentia de iste lista a egroups. Le "Coollist" ha jam create un presentia in egroups. Le toto que resta es de inviar nostre messages re questiones lingusitic ibi (a [log in to unmask]) plus tosto que al adresse actual. Pro que non crear un lista [log in to unmask] pro le messages de interesse general?

Io sape que le costumes es difficile a rumper. E iste lista ha jam un belle tradition.

cordialmente
Edo