Un belle thema illo que nos propone Ingvar Stenström.
Intertanto io crede poco al attendibilitate del numero del visitatores de un
sito. Reguardo a illo specific del UMI plus vices in le passato io probava
de promover le numero con un solution multo banal e le numero augmentava.
Pro isto nos debe considerar iste aspecto con prudentia.
Ingvar scribe anque que le lista de adresses es lontan de esser complete, e
que alcun adresses mesmo non functiona plus. Ille observa anque que si le
sitos remane incambiate durante longe tempore le visitantes simplemente non
reveni. Il pote esser ver, non in modo absolute.
Quando un sito propone ligamines on deberea facer un controllo constante de
lor functionalitate e, perque non, de lor qualitate. Diverse pote esser le
motivos que face decader le qualitate de un sito.
Le function deveni non practicabile in le realitate.
A iste proposito io invita nostre valide Ensjo de deler le ligamines a mi
sitos. Tote le ligamines, sin alcun distinction. Io sovente non ha le
capacitate o voluntate de curar mi sitos e isto non es ben, totevia il es
ver.
Reguardo al "motores de cerca" Ingvar aperi un altere thema de grande
interesse, super toto pro permitter me de sustener que il non existe un
organisation assi poc attendibile como le resultatos que proponi,
specialmente hodie, iste motores.
Il es le resultato de vetule bon intentiones e de actual recercas que
satisface illes qui paga pro facer se trovar.
Un diverse judicio me resultarea difficile, de qualcunque puncto de vista io
lo examinarea.
Reguardo al "parolas clave" io pensa que il sia melio facer silentio.
Que resta, a iste puncto de mi analyse?
Illo que se pote reconducer al contactos directe inter le personas
interessate. Iste lista, per exemplo, que mantene su validitate durante iste
annos que io lo ha frequentate.
Ingvar conclude con un

>Bon chassa e Bon Anno Nove 2003 e a revider in le
16-e Conferentia International de Interlingua in Lovetch (Sofia),
Bulgaria, 26 de julio - 3 de augusto.

Un belle initiativa, mesmo si un poco peripheric. Iste vice io non anticipa
mi voluntate de participar, pro non haber un nove motivo de contrarietate.
Il serea un occasion meraviliose, pro me, participar a iste incontro pro
cognosce de persona tante amicos. Qui sape!

Bon labor pro le preparation del nove Conferentia e a totos un felice 2003!

Mario Malaguti