Car interlinguistas e fratres in vestimentos de futbol!

Paolo suggere tres listas, un cosa que io ha suggestite plure vices.
Le prime lista "pro omnes" serea Interlng-L como nunc e obviemente
nos ha besonio de un lista linguistic ubi on pote discuter cosas
intricate e nonsolvite re parolas e grammatica. Le tertie lista,
que Paolo mentiona serea le Il-STRAT, jam in function inter
functionarios del movimento.

Nunc le campionato del mundo de futbol es terminate e io manca le
horas ante mi televisor.. Io non poteva recognoscar Brazil heri!
Io sape que certe jocatores in le equipa brazilian habeva problemas
medical (gastrointestinal) sed il pareva como omnes era somnolente.
Que ha essite le reactiones in Brazil, Ensjo?

In Paris milliones de gentes plenava le stratas del centro del citate
jam minutas ante le fin del joco... Mi sposa dice que 1.5 milliones
individuos celebrava tote le nocte.

Iste campionato ha essite un success pro Francia e le franceses e
un unificator del nation, rumpite per ideas e commentarios racial.
Futbol es un grande pacificator (extra Grtande Britannia ubi illo es
un causa pro actiones criminal e inebrietate). Tote Svedia era como
post un bomba neutron heri nocte, non un catto in le stratas, un
sensation bastante irreal.

Que vive Francia, vive la France, que vive le futbol international!

Sigmund



Paolo:
>
> Car amicos,
> io ha legite con interesse le interessante evaluation facite in re INTERLNG, e io es de accordo con illo.
..
> Forsan il esserea utile haber plure listas:
> 1) Vamos practicar Interlingua (hic omne subjecto es acceptabile)
> 2) Questiones linguistic (discussiones e approfundamentos)
> 3) Strategias pro diffunder Interlingua.