Car amicos,
con interesse io ha legite le varie messages e opiniones super le stato del
lista.  Il me pare que un consenso considerabile existe que preferea
limitar duo cosas:
     1) messages quasi private inter duo membros, e
     2) grande discussiones technologic super grammatica o lexico.
Personalmente (viste que mi tasto de deletion functiona multo ben), io non
trova iste cosas troppo enoiante, mais (usante le parolas immortal de Bill
Clinton) "Io senti vostre pena".  (GRANDE riso hic in Boca Raton,
Florida!!)  Mais, essente seriose, io ha sympathia.

1) Quanto al messages private, io opina que istes occurre assatis
raremente.  A vices nos ha vidite que tal messages son inviate sin
intention.  Viste que nos es humanos debile io non suppone que il esserea
possibile evitar tote tal errores e io expecta que,  de vice in vice, nos
videra los de nove in le futuro.

Nos vide etiam in le lista un classe de messages ubi le autor comencia su
message con le nomine de un altere membro al que ille vole diriger su
responsa.  Recentemente in un discussion super alcun puncto, io ipse ha
respondite a un puncto ex un message previe de nostre Kjell R.  Io
comenciava mi message con "Kjell, ...".   Esque vos senti que isto non era
acceptabile? In general io imagina le communicationes in INTERLNG como un
soiree ubi membros va e veni, ubi illes pote audir conversationes super
varie themas.  Un invititato a un soiree ha nulle responsabilitate a
prestar attention diligente a omne conversationes.  Mais, si ille trova
alique que stimula su curiositate ille es benvenite a junger se a in le
discussion.  Imaginante un tal discussion inter plure participantes, si nos
audiva un participante dicer, "Kjell, blah blah blah...", esque nos
sentirea isto como un communication private e impolite per le parlator?  Io
pensa, no.  Io opina que le uso de "Kjell" in un tal caso es simplemente un
referentia -- intendite a OMNE participantes del discussion --  a remarcas
previemente facite per Kjell.  Similarmente  in INTERLNG, si io lege un
"Kjell," o "Stan," o "Terry," ante un message io non senti me excludite.
Le "Kjell," o "Stan," o "Terry," indica A OMNES que un idea previemente
exprimite per Kjell, Stan, o Terry es nunc involvite.

Quanto al messages que son VERMENTE private, naturalmente io accorda con le
opinion que tales non appertini in INTERLNG o in alcun altere foro public.

2) Quanto al discussiones grammatic o lexicographic, mi opinion es fisse.
Al un latere, io pensa que il serea melior solver le problema per creation
de un nove gruppo de correspondentia pro ille membros habente ver
fascination con themas de linguistica.  Un tal gruppo seriose e dedicate
poterea facer plus de progresso sin intrusiones per alteres como, per
exemplo, io ipse qui es meremente un diletante in tal cosas.  Al altere
latere, malgrado le facto que io non ha comprendite tote discussiones
lexicographic o grammatic, io debe confessar que io ha apprendite multo per
leger los.  Si iste discussiones esserea removite ex INTERLING iste source
de information disparera ex le vista del "plebalia".

-- frank