--- Kjell Rehnstrom <[log in to unmask]> wrote:

> In un curso de svedese que ego dava, il habeva un
> juvene femina de
> Islandia. Illa habeva studiate le danese al schola.
> Illa voleva
> apprender le svedese. Ego la precava scriber un
> curte narration in
> svedese. Illa lo faceva. Toto era errores! Ego
> corrigeva toto. Le
> secunde narration era multo plus correcte, e le
> tertie narration era
> quasi perfecte. Assi on pote facer con linguas multo
> simile.

---

Le problema de vader desde svedese a danese (o vice
versa) es simile al problema de vader inter espaniol e
portugese.  Io crede que le melior methodo pedagogic
pro iste typo de problema es le instruction
programmate.

Secundo iste maniera de inseniar, on comencia con lo
que es commun inter le duo linguas e gradualmente
progrede a lo que es differente inter illos in un
serie de passos parve que

(1) describe clarmente iste similaritates e
differentias e

(2) da parve tests al studentes (con le responsas
correcte facilemente disponibile) pro verificar si
illes ha apprendite lo que on voleva inseniar in cata
passo del programma.

Studios statistic de frequentia de vocabulario e
structuras grammatic pote esser multo utile pro
arrivar a un strategia pro construer tal materias de
instruction.

(Io ganiava le moneta necesse pro reciper mi titulo in
espaniol a California State University, Fullerton,
participante in un projecto pro construer un curso de
instruction programmate que inseniava le portugese a
hispanophonos.)

Iste methodo de instruction anque es multo utile in le
mathematicas.  Ante unes annos, le presidente del
Control Data Corporation developpava un programma de
instruction programmate (The Plato Program) que
comencia con le algebra e vade al calculo
infintesimal.

Iste programma es etiam nunc disponibile in le
bibliotheca de Long Beach City College, e studentes
qui habeva difficultates con instruction traditional
in le mathematicas ha potite usar le Programma Plato
pro apprender iste partes del mathematica assatis
facilemente e con multe successo.

Naturalmente, linguas natural non ha le flexibilitate
structural del mathematica, ma il ha multo que on pote
facer pro facilitar lor instruction con bon materiales
programmate, le quales, infelicemente, es multo
difficile a construer.

__________________________________
Do you Yahoo!?
Yahoo! Calendar - Free online calendar with sync to Outlook(TM).
http://calendar.yahoo.com