Io esseva stupefacite a dicoperir duo annos passate que io esseva
descendite del soror de William le Conquisitor de Anglaterra.
Isto me faceva un de descento Norman (e Viking).  Ante apprender
isto io esseva semper triste que le Anglos sub le Regne Harrold
habeva perdite le Battalia a Hastings.  Mais io crede que si
le anglos habeva vincite, io non existerea hodie!  Isto creava un
inusual sentimento in me.  Le soror esseva date in maritage a un
duce angle, le Duce de Essex, e iste familia deveniva le
familia de Easton.  Certe filios de iste familia habeva migrate
a America, e duo fratres esseva le prime governatores de Connecticut
e Rhode Island.  Plus tarde un altere filio habeva discoperite
le conspiration de Aaron Burr a formar su proprie regno in le
region de Kentucky, e iste Eston ha advertite President Jefferson,
qui faceva medios de stoppar isto.  Pro su premio Jefferson
appunctava iste Easton al prime Maestro Postal de New Orleans,
quando iste region deveniva parte del Statos Unite post su
vendita per Francia.  Alora ille habeva movite a St. Louis,
in un similar position, e postea su filio ha devenite le
magistrato de registrationes in urbo presso St. Louis.
Mi granpatre habeva ite per bicycletta de Cleveland a iste
mesme urbo a visitar un cosina, e alora ille incontrava mi
granmatre.  E lor filia ha maritate mi patre qui esseva le
filio de immigrantes de Lituania.  Le granpatre qui
habeva maritate un Easton esseva mesme le descendente de
moravianos de europa central qui ha venite a America pro
haber le libertate de practicar lor religion.  Io cognosce
nihil super mi ancestres lituan.  Io non es certe si mi
nomine 'Mulaik" esseva scripte correctemente quando mi
granpatre habeva entrate le Statos Unite a Insula Ellis
a Nove  York.  Multe gentes recipeva nove nomines quando
le agentes de immigrationes ha miscomprendite le nomines
pronunciate per le immigrantes.  Isto va facer difficile
un cerca pro mi ancestres de Lituania.

Stan


Nos es mesticiates.