Forsan il esserea un bon idea considerar iste passos
pro continuar le processamento del dictionario de
Thoma Macovei:

(1) Experimentar con diverse manieras de photographiar
le obra pro arrivar a un version con un maximo de
contrasto inter le litteras e le fundo.

Facer isto essera assatis difficile proque il pare que
le senior Macovei usava duo lateres de un folio de
papiro quando ille lo scribeva a machina.

Ma io crede que si on essaya diverse manieras de
copiar lo, il essera possibile producer copias al
minus un pauco plus clar que le original.

(2) Post arrivar a un maniera de copiar le manuscripto
con un maximo de claritate, forsan on poterea copiar
lo omne e immagasinar lo in un (serie de) dischetto(s)
compacte.

(3) Forsan on poterea copiar unes sex vices iste
(serie de) dischetto(s) compacte e distribuer lo(s) a
personas como Piet Cleij, Thomas Breinstrup, Stan
Mulaik, e altere personas interessate in preservar
iste resource lexicographic pro processamento
ulterior.

---

Ecce le possibilitates pro su processo ulterior:

(1) un (equipa de) persona(s) poterea reclaviar los, o


(2) un (equipa de) persona(s) poterea producer
documentos electronic con iste copias optic.

---

Mesmo si on produceva un copia electronic in symbolos
ASCII, sia per reclaviation, sia per lectura automatic
del photocopias, il me pare que multe redaction
ulterior esserea necesse pro producer un publication
de qualitate professional.

Como parte de iste processo, nos poterea adder altere
parolas, specialmente ex le obras lexicographic de
Piet Cleij.

Il me pare que Piet Cleij esserea le melior candidato
pro esser le redactor principal de iste obra.  Io
recognosce, tamen, que forsan Piet ha altere
prioritates con su vita iste dies e que ille non
volerea interprender le redaction de un obra tan
grande como iste dictionario.

Si isto es ver, in le futuro nos debera cercar un
altere redactor.  Ma io crede que forsan nos potera
preservar sin multe difficultate omne le documento in
multiple photocopias optimalisate pro redaction
ulterior in un futuro plus remote, que nos dice 10-20
annos.

Il me pare que le cosa le plus importante in iste
momento es facer omne lo que nos pote pro evitar que
le effortios de Thoma Macovei disappare completemente.

__________________________________
Do you Yahoo!?
The New Yahoo! Search - Faster. Easier. Bingo.
http://search.yahoo.com