d[011130] x[Kiviaho Allan] z[KivA-1NTxg interlng] r[CleP-1NT]
s[Re: Le rolos del Mar Morte]

[log in to unmask]

---------------------------------------------------------------
Cleij Piet 011130: Io non sape como io pote expedir le articulo
in un altere forma.
------------------------------------------------------x--------

Piet! Illo es simple. In MS Word (o altere programma
pro tractar textos in MS Windows)

1. "pinge" tu texto con <Ctrl>a
2. Copia lo con <Ctrl>c
3. Va al tu programma del ePosta e colla lo in tu
   message con <Alt>v

Io ha lo facte e le texto es al fin del iste message.
Illo es interessante! Io ha addite alicun commandos
HTML.

Amicalmente Allan

---------------------------------------------------------------
Ensjo 011130: Un altere option, in versiones plus moderne de
Word, es salvar le texto como HTML, si uno vole retener le
typographia (negritos, italicos, dimensiones de litteras, etc.)
---------------------------------------------------------------
Kleiweg Peter 011130: Ma Word-HTML es multo mutilate e
immunditate (?), non como ver HTML standardisate.
Frequentemente, browsers (?) altere que Internet Explorer non
pote monstrar lo correctemente.
------------------------------------------------------x--------

E ancora un altere option: On pote adder al message le
commandos HTML per scriber los o usante le macros
del MS Word, pro exemplo, e sparniar e inviar los via
ePosta in modo de texto (non in modo de HTML, como
alicunos de nostre amicos face - io ha facte un
systema de programmas e macros que purifica le
commandos HTML ab tal messages ...).

Le receptor pote pinger le message (que es in modo
de texto con commandos HTML e cargar a su "template"
de HTML. Isto solmente si un vole salvar le
typographia.

Ver, le macros de MS ha essite un porta de detra
notoriose pro le viri. Dunque io usa un editor de
texto DOS e su macros. Multo habile!

Peter!: Ante alicun septimanas nos habeva le debatto
super le editator HTML de Netscape. Io debe admitter
que le codice producte per iste editator es
horribilissime. Io nunc usar solmente un editator
ASCII e ha purificate le majoritate de mi paginas sed
non ancora inviate al mi sito. Mi medicina universal,
le programma askSam (http://www.asksam.com), es un
instrumento meraviliose mesmo con programmar HTML.

Salutante

Allan

P.S. Mi message re le viri va sequer.


_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_/_

<table align=left valign=top width="72%">
<td>
LE ROLOS DEL MAR MORTE
<p>
Super un alte rocca proxime al bordo del Mar Morte in Palestina
se eleva le ruinas de <b>Chirbet Qumran</b>. In le anno 1947 alicun
membros de un tribo de beduinas faceva le discoperta
sensational de septe rolos in un grotta situate a un kilometro
de iste ruinas desolate. Un de iste rolos, que postea on ha
appellate le Regulas de Conducta, contineva le description de
un gruppo sectari cuje fide e practicas resimila a illos del
essenos, un ancian secta pacific.
<p>
On se rememorava que al fin del prime seculo le scriptor roman
<b><i>Plinius</b></i> ha describite un gruppo de essenos habitante in le

deserto de Judea al bordo del Mar Morte. Secundo <b><i>Flavius
Josephus</b></i>, le famose scriptor judee del prime seculo, le
essenos esseva un secta que se distingueva del altere sectas,
le phariseos e le saducceos, i.a. per su ascetismo, su
pacifismo e su esoterismo.
<p>
Un equipa de archeologos sub le conducta del patre <b><i>Roland de
Vaux</b></i> del celebre Schola Biblic e Archeologic in Jerusalem
Oriental examinava le ruinas de Qumran. Tosto De Vaux lanceava
le idea que le habitantes del loco debeva esser essenos qui
habeva scribite le rolos e qui, in le anno 70, sub le menacia
de un attacco per truppas roman, los habeva celate in le
grotta.
<p>
Nove discopertos de manuscriptos in diverse altere grottas
esseva ligate immediatemente al nove hypotheses: le essenos
habeva possedite un grande bibliotheca in Qumran: ibi illes
habeva scribite e copiate multe obras; illes los habeva
celate in grottas in tempores de guerra.
<p>
Durante multe annos iste hypothesis ha restate le theoria
acceptate per le grande majoritate del expertos. Illes credeva
que Qumran esseva un sorta de "monasterio" con un "refectorio"
e un "scriptorio" ubi on scribeva e copiava milles de textos
religiose. In le anno 66 ha comenciate le insurrection del
judeos contra le romanos. Pauco a pauco le armeas roman ha
reconquirite le pais e in le anno 70, in un attacco feroce,
illos ha occupate Jerusalem. Alora, secundo le hypothesis, le
habitantes del "monasterio", vidente approchar le soldatos
roman, ha salvate lor "bibliotheca", celante lo in le
proximitate.
<p>
Ma jam in le annos 50 il habeva recercatores de fama qui ha
exprimite lor dubitas relative al hypothesis essenic, p.ex.
<b><i>Cecil Roth</b></i> qui habeva constatate que Qumran
habeva le aspecto de un fortalessa plustosto que illo de un
village pacific. Ille supponeva que durante le guerra
judeo-roman le loco esseva habitate per soldatos, probabilemente
per un gruppo de zelotes, qui habeva debite render le fortalessa al
romanos.
<p>
Anque altere recercatores perdeva lor fiducia in le theoria
essenic. Inter illes esseva le americano <b><i>Norman Golb</b></i>,
qui publicava le libro <font color="#FF0000"><b>"Qui ha scribite
le rolos del Mar Morte?"</b></font>
Le professor Golb attaccava le theoria in multe punctos. Un
critica de grande impacto esseva le facto que, in le curso del
annos, on discoperiva milles de nove manuscriptos e fragmentos
de manuscriptos con textos multo variate que habeva nulle
connexion con le principios e conceptos del essenos. In multe
casos illos exprimeva ideas toto contrari al doctrinas del
essenos. Pro Golb il es toto clar e evidente que le multissime
textos trovate in le grottas monstra le diversitate doctrinari
de TOTE le ancian judaismo. Le scriptos es le restos del
litteratura de un varietate de currentes spiritual in le
judaismo del prime seculo e naturalmente anque de alicun
seculos precedente.
<p>
Golb opina que le litteratura abundante, ric e variate que se
presentava hic in textos copiate debe haber su origine in le
sol grande centro cultural del epocha: Jerusalem, le urbe
spiritual del judaismo con su bibliothecas public e private.
Un altere loco es inimaginabile. Il non es credibile que p.
ex. Tote le 500 copistas qui es responsabile del milles de
fragmentos de manuscriptos trovate in 1952 in le grotta nro 4Q
ha facite lor labor in le parve sala que De Vaux ha appellate
naivemente le "scriptorio" de Qumran.
<p>
Golb describe in su libro magnific que in le curso del anno 70,
quando le incirculamento de Jerusalem per le romanos deveniva
sempre plus stricte e plus complete, le judeos ha essayate de
salvar le bibliothecas del urbe e ha transportate al minus un
parte del contento preciose de iste bibliothecas al region
salvage inter Jericho e le Mar Morte, ubi centenas de grottas
e cavernas esseva locos excellente pro conservar los.
<p>
Nove recercas archeologic in Chirbet Qumran facite per alteres
que le equipa de De Vaux de 1951 demonstra clarmente que iste
loco strategic (con vista de 20 kilometros e plus super le Mar
Morte usque al fortalessa de Machaerus situate al altere
latere del mar) non ha functionate como un "monasterio"
habitate per essenos pie, pacific e laboriose, ma como un
fortalessa militar occupate per un truppa de soldatos judee,
zelotes secundo le opinion de Cecil Roth. Alicunos de iste
soldatos esseva con lor familias, nam in le cemeterio de Qumran
le archeologos ha trovate le restos de un parve numero de
feminas e de infantes. In le anno 70 o forsan in le anno
sequente, dunque post le conquesta de Jerusalem per le
romanos, iste mesme romanos, veniente de Jericho in le nord e
de Jerusalen in le west, ha conquirite le fortalessa judee
Qumran in un battalia sever. In le mesme tempore le truppas
roman ha conquirite le duo altere fortalessas del region
Herodium e Machaerus e finalmente in le ultime anno del guerra
judee, in le anno 73, le potente Massada que es situate a
curte distantia del costa sud del Mar Morte.