Le Dieta Mediterranee Diminue le Riscos pro Attacco
Cardiac e Canceres.
25 Junio, 2003

BOSTON (Reuters) – Un studio de plus que 22,000 grecos
provideva evidentia additional a isto le mercuridi (6/25/03)
que le “Dieta Mediteranee”, ric in caseos, nuces, e oleo
de oliva, pote proteger contra maladias cardiac e canceres.

Le studio trovava que gente qui mangiava un dieta al modo
mediteranee habeva un 33 pro cento reduction in le riscos
de morte de maladias coronari e un morte de cancere que
esseva 24 pro cento plus basse comparate con voluntarios
qui mangiava altere alimentos.

Le dieta, que varia de pais a pais, sovente include portiones
mensual de carne e portiones septimanal de pullo, ovos, e
dulces.

On mangia vegetales, fructas, nuces, legumines, cereales non
affinate, oleo de oliva e yogurt quotidianmente, e anque pisce.
On bibe vino in moderation.

Ben que on credeva que multe del beneficios del dieta veni
del oleo de oliva, le equipa de recerca, conducite per Antonia
Tichopoulou del Schola de Medicina del Universitate de Athenas,
trovava que nulle alimento specific in le dieta pareva esser
responsabile del melioration in sanitate.

“Componentes individue forsan habeva effectos parve que
emerge solmente quando le componentes se integra a in un
partition, simple e unidimensional,” diceva le recercatores.

In un editorial in le New England Journal of Medicine de 6/26/03,
in le qual le studio se publicava, Frank Hu de Brigham and Women’s
Hospital in Boston diceva que nutrientes o alimentos specific in
le dieta forsan de un modo o un altere reage reciprocamente
pro diminuer reducer le riscos de canceres e maladias cardiac.

_________________________________________________________________
Tired of spam? Get advanced junk mail protection with MSN 8.
http://join.msn.com/?page=features/junkmail