Un amico mie me inviava un multo amusante libro,
del qual ego non ha le nomine del autor o le
titulo. Ma le libro como tal es multo amusante. On
pote parlar del Macchiavelli de nostre tempore.
Considera, pro exemplo, le sequente pecia de
texto:

"Si ego opina, que le regulamento in un certe
situation es incorrecte, il es mi deber non obedir
los - isto apprendeva cata culpabile de crimines
de guerra ante que ille era pendite. Ante que
illos era fusilate, del altere latere, plure
membros del resistentia apprendeva le contrario.
De isto nos pote, pro nostre parte, apprender que
il certo sovente non es sage sequer le regulas de
alteres, sed etiam que il es tanto stupide facer
un ruitose spectaculo de non sequer los. Si ego
sta, sperante que le lumines de traffico va
cambiar a verde apud un tranitorio de un strata al
hora tres del nocte in un strata non-traficate,
ego es un archistupido. Sed on debe vermente
incarcerar me, si ego non spera usque le auto de
policia ha disapparite. Le majoritate de cosas que
tu considera rationabile, ma le quales es
interdite per regulas in tu opinion regulas
ridicule, tu pote sin dubita facer, usante un poco
de discretion e un sensibilitate del subtilitates
practic. In un perspectiva human, in un senso plus
general, al fundo de historic assassinatos
massive, cathastrophes ecologic e altere risicos
esser docile coram le pensamento del gente al
poter, il es mesmo tu obligation. Le societate un
poco chaotic, ubi necuno troppo seriosemente seque
le regulas, es multo plus salubre a sus habitantes
e vicinos quam le stato efficace a la Prussia.

Et ancora:
Non importa que on pote pensar del regulas, illos
es plus frequentemente, statisticalmente, un bon
summario del desirabile comportamento in le
majoritate de casos. Sed le facto que il in le
majoritate de casos solo va generar un massa de
nonsensose difficultates ir a lecto con le marito
(o marita) del vicino, naturalmente non significa
que justo vos pote haber un innovamento de vostre
vita sexual per alcun coitos in le silva o in le
garage.

Tönis Tönisson "Makt som hobby" (Poter como
passatempore).

Ego pensa que isto es un libro que simplemente
debe exister in interlingua, non necessariemente
como un libro guida ma como un sermon edificante a
nos omnes sin poter, quando altere nos dice lo que
nos debe facer - o non facer ;-)

Amicalmente