Io vole explicar plus mi remarcas, Mario:

>(Cartas de debito non es semper acceptate per
>americanos proque il non ha le mesme protectiones contra le
>fraude que le cartas de credito ha).
>
>Stan

In le Statos Unite si alcuno  furava tu numbro de carta de credito
e comprava multe cosas usante lo, tu ancora non es responsabile
pro plus que $50, e possibilemente non de toto, si tu informa le
compania que dava te le carta que tu disputa le cargas e pote
provar que tu non ha facite los.

Si alcuno fura tu carta de debito, ille pote subtraher toto de
tu conto in le banca, e tu ha necun recurso pro recovrir lo.
Ille pote fura tu numbro de carta de debito e comprar cosas
electronicamente con illo, e le cargas es immediatemente
subtracte de tu conto, pro semper!

De plus. Suppone que tu compra alcun mobiles a un venditor de
mobiles.  Si ille non produce le mobiles a tu casa, tu pote
disputar le cargas de un carta de credito, mais non de un
carta de debito.  Si le ration que ille non produce le
mobiles a tu casa es proque su commercio ha facite bancarupta,
tu ancora pote disputar le cargas, si 60 dies non ancora ha
passate depost le vendita.  Su tu paga al venditores con un
cheque de banca o per un carta de debito, toto es perdite.
Stan