Car amicos,
Io remarca que vos nunc usa le romanisation "Lovech" vice "Lovetch". Pro que le cambio?
Con mi salutes normal,
Donald
Milen Shopov <[log in to unmask]> ha scribite:
Car amicos,
Estimate collegas,
Senioras e seniores,
Con le presente littera nos ha le placer de invitar vos al seminario
international Humanitaria qui habera loco del 25 al 31 de julio 2004
in le centro conferential Slivek, citate de Lovech, Bulgaria. Le scopo
del seminario es de familiarisar le participantes con aspectes diverse
del cognoscentia humanitari e con le heritage cultural del region.
Humanitaria ha le ambition de devenir un foro de intercambio de nove
ideas e punctos de vista inter le participantes, de dar possibilitate
de ager a perspective juvene homines et de poner le inicio de nove
contactos e ligamines amical inter gentes de tote le mundo. Non al
ultime loco, un del scopos principal del seminario es de familiarisar
le participantes con le cultura e le traditiones de Bulgaria e de
assecurar les un opportunitate excellente de un reposo active. Le
invitation es destinate como a specialistas al dominio : professores
de universitate, scientistas e studentes, tanto a omnes qui vole
tanger le thesauro del cognoscentia humanitari. Un elemente
interessante e exotic in le programa del seminario importa le breve
curso practic de lingua bulgare que vos pote passar si vos vole.
Le seminario previde un balancia inter sessiones - presentation de
textos per le participantes qui lo ha desirate e lor comentarios - e
vaste opportunitates de communication informal in le ambiente commode
del centro conferential. Durante le excursiones, previdite per le
organisatores, le invitatos va tanger le beltate, le historia e le
traditiones de Bulgaira - un cosa que certemente va remaner longe
tempore memorabile. Le presentation de un texto non es un condition de
participation. Post le clausura del seminario le materiales essera
edicite in un libro special. In plus, le organisationes del seminario
Humanitaria ha concludite un contraction con le jornal Lingua Bulgare,
edition del universitate de Sofia St. Clemente de Ohrid - le schola
superior le plus renomate in Bulgaria, pro le publication del optime
operas in le dominio del linguistica e del ethnologia.
Le centro conferential Slivek es a 170 km del capital Sofia in
proximitate del citate de Lovech - un del centros principal de
Bulgaria de nord, rico de monumentos historic e cultural, in le pedes
del Balkan, con un clima fresco e agradabile mesme in le callide
menses del estate. A causa del base material perfecte le centro
conferential Slivek es un hospite preferite de numerose seminaries
international de nivello extrememente alte. A disposition del
invitatos il ha cameras con un o duo lectos e appartamentos - omnes
con sala de banio, televisor e telefono. Le centro ha un piscina,
sauna, possibilitates de massage e sport e anque un micre ecclesia. Il
ha duo salas conferente e parve salas pro labor de gruppos minor. Le
sala principal possede medios technic complete con possibilitates de
traduction simultanee.
Si vos es interessate vos va reciper un programma inicial e
materiales supplementari.
Nos attende vostre resposta al adresse electronic official del
seminario: [log in to unmask] .
Con optime salutes:
Petyo Angelov
Milen Shopov
Svetlina Koleva
---------------------------------
Do you Yahoo!?
Yahoo! Hotjobs: Enter the "Signing Bonus" Sweepstakes
|
