Mario Malaguti wrote:

> (...) le situation del pisca in le Mar Baltico. Io legeva que le
> parturientes es dissuadite de nutrir se con vostre pisces.

Mario, tu es multo actual! In facto ego audiva hodie un intervista con le leader
del partito conservative, ubi le jornalistas le demandava como il pote esser que
nos es permittite mangiar salmon baltic e haringo del mesme mar, durante que le
resto del Union non debe facer isto.

In mi comprension il se tracta de politica. Le piscatores numerosemente non es
un grande gruppo ma illes significa multo politicamente. Ego non exclude que le
relation con le altere statos circum le Baltico es importante ci.

Le leader non poteva dar un multo satisfactori responsa al question pro que io
pote mangiar salmon e haringo ma proque on non pote mangiar lo in le resto del
Union!

On dissuade feminas mangiar le pisces. Le causa es que le Baltico era pollute
per materias que se cambiava chimicamente e creava dioxina, que es un cosa multo
periculose, viste que illo altera le processo reproductive. Ego ha audite que un
del modos del function del dioxina es que illo es percipite per le organismo
como un hormon (non demanda me qual, proque ego lo ha oblidade!). Le conchas
(scalias) del ovos del aves es mal developate e isto resulta in le morte de
multe pullos ante que illos lassa le ovo e fetos de phocas era anque ledite.

Kjell R