Paul LeCorde ha scripte:
>Salute!
>
>Io crede que il es meraveliose que le football
>es talmente international e io essaya sequer le jocos
>del Cuppa Mundial iste anno.  Isto non es facile
>pro me viste que io NON ha le MENTE pro le sport.

Ben... Le regulas basic de un singule partita/match de football tu trova 
a:
http://www.fifa.com/refs/laws_E.html

Quanto al regulamento del Cuppa del Mundo, tu pote trovar lo a:
http://fifaworldcup.yahoo.com/en/t/ds/

(Documentos in PDF.)

>Io ha cercate le rete pro information super le
>functionamento del Cuppa Mundial e football.  Io
>trovava un lista de victores previe
>(http://www.worldcup.isn.pl/en/winners.htm ) e
>un explication del systema de classification de
>FIFA(http://www.fifa.com/rank/procedures_E.html ).
>Toto me pare complicate. :-( .....

Oh! Iste systema de classification que tu ha trovate (le "ranking" 
FIFA/Coca-Cola) NON es usate in le torneo. Vide infra.

>Il me pare que le partitas dura 80 minutas e

90 minutas, dividite in duo tempores de 45, separate per un intervallo de 
reposo de (al maximo) 15 minutas.

>quando on parla del partita on indica le minuta
>de jocar.

Si, como "le jocator X ha marcate un goal al 13 minutas".

>Il me pare que le gruppos (A-H) del
>Cuppa Mundial veni del numero de punctos (del
>classificationes de FIFA) que cata equipa ha.

Le equipas NON es includite secundo le "ranking" FIFA/Coca-Cola. Le 
diverse confederationes (CONCACAF, CONMEBOL, UEFA, etc.: entitates 
regional que aggruppa alcun associationes national) face torneos pro 
selectionar qual equipas va participar del Cuppa. Vide:
http://fifaworldcup.yahoo.com/en/t/q/

>Esque alcuno haberea le bon voluntate de explicar
>pro me (brevemente) como on va del gruppos per le
>octavos del final, etc.

In le prime phase del Cuppa, occurre le confrontation inter tote le 4 
equipas intra cata gruppo. Vide:
http://fifaworldcup.yahoo.com/en/t/s/g.html

Le victoria rende 3 punctos al equipa victoriose. Un equalitate rende 1 
puncto a ambe equipas.

Al final de iste jocos, le duo equipas con le major quantitate de punctos 
se classifica al secunde phase.

http://fifaworldcup.yahoo.com/en/t/g/index.html

Exemplo, gruppo A:

Senegal 1 x 0 Francia : 3 punctos pro Senegal
Danmark 2 x 1 Uruguay : 3 punctos pro Danmark
Francia 0 x 0 Uruguay : 1 puncto pro Francia, 1 puncto pro Uruguay
Danmark 1 x 1 Senegal : 1 puncto pro Danmark, 1 puncto pro Senegal
Danmark 2 x 0 Francia : 3 punctos pro Danmark
Senegal 3 x 3 Uruguay : 1 puncto pro Senegal, 1 puncto pro Uruguay

Classification intra le gruppo A:
1º Danmark, con 7 punctos (classificate al octavos de final)
2º Senegal, con 5 punctos (classificate al octavos de final)
3º Uruguay, con 2 punctos (eliminate)
4º Francia, con 1 puncto (eliminate)

Al octavos de final:
1º del gruppo A (Danmark) contra 2º del gruppo F (Anglaterra)
2º del gruppo A (Senegal) contra 1º del gruppo F (Svedia)

Desde le octavos de final, cata joco es eliminatori. Le vincitor passa al 
proxime etape, le perditor es eliminate.

Es necessari que cata partita produce un vincitor, consequentemente si un 
equalitate persiste intra le 90 minutas de joco, occurre 30 minutas 
additional de joco (2 tempores de 15). Si le equalitate persiste, le 
vincitor se decide per un serie de tiros directe contra le goalkeepers 
("penalties").

Del 16 equipas classificate al octavos de final, 8 passa al quartos de 
final, e 4 al semifinales.

Le duo perditores del semifinales disputa le 3º posto.

Le duo vincitores del semifinales disputa le 1º e 2º postos in le grande 
final, le ultime joco del Cuppa.

>Gratias a alcuno qui pote adjutar me.

Io spera haber acclarate le functionamento del Cuppa actual.

Cordial salutationes,
Ensjo.