Si, io pensa que le successo de esperanto,
limitate como illo es, veni plus de lor
idealismo de un mundo unite a pace, e minus
de esperanto e su characteristicas mesme.
Il esseva difficile pro Gode e io acceptar
iste sonio idealistic specialmente le idea
que illo pote esser complite con un sol
lingua pro tote le mundo.  Gode habeva le
idealismo del scientia, e voleva servir le
avantia del scientia per traductiones de
summarios de articulos scientific e medic
in jornales professional.  Mais su labor
solo non esseva sufficiente de sustener
le avantia de interlingua quando le anglese
deveniva le de facto lingua international
de scientia.

On ha necessitate de interlinguaistas qui
vole viver per traductiones in interlingua
pro varie interprisas.

A vices io pensa que le grande firmas
international pote usar un lingua como
interlingua pro lor communicationes
interne international, quando lor bureaus
in multe paises debe communicar al centro
e inter se.

Como pote nos interessar un firma international
pro facer isto?

E si le union europee jammais vermente se
unifica con un governamento central como
in le Statos Unite, interlingua esserea un
natural lingua pro un tal stato.

Stan






----- Original Message -----
> Si on considera le facto que
> Zamenhof per multo pauc medios
> pecuniari poteva initiar le
> esperanto per medio de un satis
> simple libro de instruction, on
> debe conceder que le IALA usava le
> grande summas de moneta satis
> non-economic. Que haberea le
> esperantistas potite facer per ille
> pecunia?
>
> Non habente interessate me in
> esperanto durante multissime annos,
> ego constata que il ha plure
> inadvertentias in le esperantic
> grammatica, ma isto non ha impedite
> le esperantistas a un remarcabile
> successo in le mundo del auxilinguas.
>
> Un lingua auxiliar pote esser
> appellate un derecto human in le
> mesme maniera como democratia o
> equalitate inter homines, pro isto
> il non es assi estranie que le
> europee interlinguistas era
> "esperantistos", secundo le
> vocabulario de Gode. Ego ha le
> impression que Gode voleva es un
> armea a un persona!
>
> Le grande avantage de interlingua
> es que multes ja lo comprende sin
> previe studios, ma al mesme tempore
> il es necesse de idealistas e
> homines qui forma organisationes
> pro parla e usar le lingua in
> scripte forma.
>
> Kjell R
>
>
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
>


--
Pro leger le archivos e pro modificar o cancellar le subscription:
http://listserv.icors.org/archives/interlng.html